နေပြည်တော် မေ ၁၂
တနင်္သာရီတိုင်းဒေသကြီး၊ ကော့သောင်းမြို့နယ်အတွင်း လုံခြုံရေးဆောင်ရွက်နေသည့် ပူးပေါင်းတပ်ဖွဲ့ဝင်များ သည် ယနေ့နံနက် ၄ နာရီခန့်တွင် ကော့သောင်းမြို့၊ ပိတောက်ရွှေဝါရပ်ကွက်၊ သီရိမြိုင်လမ်းရှိ စည်သူမျိုး(ဘ) ဦးမျိုးအောင်အား ၎င်း၏နေအိမ်အတွင်းမှ WY စာတန်းပါ စိတ်ကြွရူးသွပ်ဆေးပြား ၁၀၄၄ ပြား (ခန့်မှန်း တန်ဖိုးငွေကျပ်သိန်း ၃၀ ကျော်)ဆက်စပ်ပစ္စည်းများနှင့်အတူ တွေ့ရှိဖမ်းဆီးရမိခဲ့သည်။
အဆိုပါမူးယစ်ဆေးဝါးများနှင့် ဖမ်းဆီးရမိသူအား ကော့သောင်းမြို့မရဲစခန်းသို့ စနစ်တကျ လွှဲပြောင်း အပ်နှံခဲ့ ကြောင်း သတင်းရရှိသည်။
(၁၀၀)