နေပြည်တော်၊ မေ - ၅
တနင်္သာရီတိုင်းဒေသကြီး၊ ကော့သောင်းမြို့၊ ပျူစောထီးလမ်း၊ အေးရိပ်ငြိမ်ရပ် ကွက်နေ ဇင်ကိုဦး(ခ)သားငယ်(ဘ)ဦးသိန်းစွမ်း ၏နေအိမ်အား မေ ၄ ရက် နံနက် ၂ နာရီခန့်တွင် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က သတင်းအရ သွားရောက်စစ်ဆေးရာ ဇင်ကိုဦး အား နေအိမ်အတွင်းနှင့် နေအိမ်တောင်ဘက် ၁၀ ပေ ခန့်အကွာရှိ မြေကြီးအတွင်းတို့မှ WY စာတမ်းပါစိတ်ကြွရူးသွပ်ဆေးပြား ၅၉၅၄၂ ပြား (ခန့်မှန်းတန်ဖိုးငွေကျပ်သိန်း ၁၇၀၀ ကျော်)နှင့်အတူ ဖမ်းဆီးရမိခဲ့သည်။
အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူအား ကော့သောင်းမြို့မ ရဲစခန်း၌ လုပ်ထုံးလုပ်နည်းနှင့်အညီ အမှုဖွင့်အရေးယူဆောင်ရွက်လျက်ရှိကြောင်း သတင်းရရှိသည်။