တိုင်းဒေသကြီးနှင့်ပြည်နယ်များသို့ ကိုဗစ်-၁၉ ရောဂါကာကွယ်ဆေးများ ပို့ဆောင်

တိုင်းဒေသကြီးနှင့်ပြည်နယ်များသို့ ကိုဗစ်-၁၉ ရောဂါကာကွယ်ဆေးများ ပို့ဆောင်

နေပြည်တော်၊ ဇူလိုင် - ၂၀

ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးလုပ်ငန်းများတွင် အဓိက ကျသည့် ကိုဗစ်-၁၉ ရောဂါကာကွယ်ဆေးထိုးခြင်းလုပ်ငန်းများကို တပ်မတော်သား ဆရာဝန်များ၊ ကျန်းမာရေးဝန်ထမ်းများ၊ လူမှုရေးအသင်းအဖွဲ့များ ပူးပေါင်း၍ နိုင်ငံတစ်ဝှမ်းတွင် အင်တိုက်အားတိုက် ဆောင်ရွက်ပေးလျက်ရှိရာ ၎င်းလုပ်ငန်းများ တွင် အထောက်အကူဖြစ်စေရန်အတွက် ကိုဗစ်-၁၉ ရောဂါကာကွယ်ဆေးများကို သတ်မှတ်အအေးလမ်းကြောင်း စံချိန်စံညွှန်းများအတိုင်း တိုင်းဒေသကြီးနှင့် ပြည် နယ်အသီးသီးသို့ တပ်မတော်လေယာဉ်များ၊ ရဟတ်ယာဉ်များ၊ Cold Chain Delivery Logistics မော်တော်ယာဉ်ကြီးများဖြင့် ပို့ဆောင်ဖြန့်ဖြူးပေးလျက်ရှိ သည်။
ထိုသို့ပို့ဆောင်ဖြန့်ဖြူးပေးလျက်ရှိရာ ရန်ကုန်တိုင်းဒေသကြီး၊ မရမ်းကုန်းမြို့ နယ်၊ မင်းဓမ္မလမ်းရှိ ပြည်သူ့ကျန်းမာရေးဦးစီးဌာန၊ ဗဟိုကာကွယ်ဆေးသိုလှောင် ခန်း၌ ထားရှိသော ဆေးတစ်လုံးလျှင် လူ ၅ ဦး ထိုးနှံနိုင်သည့် Sinopharm နှင့် myancopharm ဆေးများကို ယနေ့တွင် တနင်္သာရီတိုင်းဒေသကြီး၊ မြိတ်မြို့သို့ Sinopharm ဆေး ၃၈၄၇ လုံး၊ myancopharm ဆေး ၇၀၄၈ လုံးနှင့် ဆေးထိုးအပ် ၃၂၀၀၀ ချောင်း၊ ထားဝယ်မြို့ သို့ myancopharm ဆေး ၁၆၉၆ လုံးနှင့် ဆေးထိုးအပ် ၆၄၀၀ ချောင်း၊ ကော့သောင်းမြို့သို့ Sinopharm ဆေး ၆၀၀ လုံး၊ myancopharm ဆေး ၂၉၆၀ လုံးနှင့် ဆေးထိုးအပ် ၉၆၀၀ ချောင်း၊ ရခိုင်ပြည်နယ်၊ စစ်တွေမြို့သို့ ဆေးထိုးအပ် ၁၁၂၀၀၀ ချောင်း၊ သံတွဲမြို့သို့ ဆေးထိုးအပ် ၄၁၆၀၀ ချောင်း၊ ချင်းပြည်နယ်၊ ပလက်ဝမြို့သို့ Sinopharm ၈၀၀ လုံးနှင့် ဆေးထိုးအပ် ၆၀၀၀ ချောင်းတို့ကို တပ်မတော်မှ လေယာဉ်များဖြင့် ဆက်လက်ပို့ဆောင်ပေး သည်။
အဆိုပါ ကာကွယ်‌ဆေးများနှင့် ဆေးထိုးအပ်များကို တိုင်းဒေသကြီးနှင့် ပြည်နယ်များအလိုက် တာဝန်ရှိသူများက လက်ခံခဲ့ကြပြီး သက်ဆိုင်ရာနေရာများသို့ ဆက်လက်ဖြန့်ဖြူးပေးသွားမည်ဖြစ်ကြောင်း သတင်းရရှိသည်။