တောင်ငူမြို့နယ်၊ ကေတုမတီမြို့သစ်ရှိ ဘုန်းတော်ကြီးကျောင်းများမှ သံဃာတော်များအား အရုဏ်ဆွမ်းဆက်ကပ်လောင်းလှူ
နေပြည်တော်၊ ဇန်နဝါရီ - ၂၈
ပဲခူးတိုင်းဒေသကြီး၊ တောင်ငူမြို့နယ်၊ ကေတုမတီမြို့သစ်ရှိ ဘုန်းတော်ကြီးကျောင်း များမှ သံဃာတော်များအား ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် မျိုးဝင်းနှင့် အရာရှိ၊ စစ်သည်၊ မိသားစုများက တိုင်းဧချမ်းဓမ္မာရုံ၌ အရုဏ်ဆွမ်းဆက်ကပ် လောင်းလှူကြသည်။
ထိုသို့ ဆက်ကပ်လောင်းလှူရာတွင် ကေတုမတီမြို့သစ်ရှိ မြို့မဘုန်းတော်ကြီးကျောင်း၊ မြို့ဦးဘုန်းတော်ကြီးကျောင်း၊ မြစေတီဘုန်းတော်ကြီးကျောင်း၊ စိတ္တသုခဘုန်းတော်ကြီးကျောင်း၊ မဟာစည်သာသနာ့ရိပ်သာဘုန်းတော်ကြီးကျောင်း၊ အနန်းပင်တောရဘုန်းတော်ကြီးကျောင်းနှင့် သဲဖြူကျေးရွာဘုန်းတော်ကြီးကျောင်းတို့မှ သံဃာတော်များသည် တိုင်းဧချမ်းဓမ္မာရုံရှေ့သို့ အလှူခံကြွရောက်တော်မူကြပြီး တိုင်းမှူးနှင့် အရာရှိ၊ စစ်သည်၊ မိသားစုများက အရုဏ်ဆွမ်းများ ဆက်ကပ်လောင်းလှူခဲ့ကြောင်း သတင်းရရှိသည်။