နည်းပြဆိုးလ်ရှားကို ထုတ်ပယ်ရန် မန်ယူအသင်း ပရိသတ်များ တောင်းဆို
မန်ယူအသင်းပရိသတ်များက အက်စ်တွန်ဗီလာ အသင်းအား အိမ်ကွင်း၌ ရှုံးနိမ့်ပြီးနောက် နည်းပြ ဆိုးလ်ရှားကို ထုတ်ပယ်ရန် တောင်းဆိုမှုများ ပြုလုပ်ခဲ့ ကြကြောင်း သိရသည်။
မန်ယူအသင်းသည် အက်စ်တွန်ဗီလာ အသင်းကို ရှုံးနိမ့်ပြီးနောက် နောက်ဆုံးကစားသည့် ပြိုင်ပွဲစုံလေးပွဲတွင် သုံးပွဲအထိ ရှုံးနိမ့်ခဲ့သောကြောင့် နည်းပြ ဆိုးလ်ရှား၏ စွမ်းဆောင်ရည်များကို စိတ်ပျက်လျက် ရှိနေသည့်အတွက် အသင်းပရိသတ်များက နည်းပြ အပြောင်းအလဲ ပြုလုပ်ပေးရန် အသင်းတာဝန်ရှိသူ များထံ တောင်းဆိုမှုများ ပြုလုပ်ခဲ့ကြခြင်း ဖြစ်သည်။
မန်ယူအသင်းအနေဖြင့် လာမည့် ပွဲစဉ်များအဖြစ် ဗီလာရီးယဲလ်၊ အဲဗာတန်၊ လက်စတာ၊ အတ္တလန္တာ၊ လီဗာပူး၊ စပါးအသင်းတို့နှင့် ပွဲကျပ်များ ဆက်တိုက် ကစားရမည်ဖြစ်ပြီး လာမည့်ပွဲစဉ် သုံးပွဲခန့် ရလဒ်များ ဆက်တိုက် ဆိုးရွားနေပါက မန်ယူအသင်း၌ နည်းပြ အပြောင်းအလဲ ဖြစ်ပေါ်လာဖွယ်ရှိကြောင်း သိရသည်။