မကွေးတိုင်းဒေသကြီး၊ ပခုက္ကူမြို့ရှိ “Hana Microfinance” အသေးစားချေးငွေရုံးမှ ဝန်ထမ်း အမျိုးသမီးအား သေနတ်ဖြင့် ခြိမ်းခြောက်၊ ငွေတောင်းခံ ပစ်ခတ်မှုဖြစ်ပွား
နေပြည်တော်၊ မတ် ၁၆
မကွေးတိုင်းဒေသကြီး၊ ပခုက္ကူမြို့၊ အမှတ် (၆)ရပ်ကွက်၊ အောင်မင်္ဂလာလမ်းသွယ်ရှိ “Hana Microfinance” အသေးစားချေးငွေရုံးခန်းသို့ မတ်လ ၁၅ ရက် မွန်းလွဲ ၁နာရီခွဲခန့်တွင် အကြမ်းဖက် သမား ၂ ဦး ဝင်ရောက်လာပြီး ငွေကိုင်ဝန်ထမ်း မသီရိထွန်း (၂၉)နှစ်အား သေနတ်ဖြင့် ပစ်ခတ်သွား သည့်ဖြစ်စဉ် ဖြစ်ပွားခဲ့သည်။
သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးရာ အဆိုပါ ဝန်ထမ်းအမျိုးသမီး သည် ရုံးအတွင်း တစ်ဦးတည်းရှိနေစဉ် Mask အနက်များ တပ်ဆင်ထားသော အကြမ်းဖက်သမား ၂ ဦး က ရုံးအတွင်းဝင်ရောက်လာ၍ သေနတ်ဖြင့် ချိန်ရွယ်ကာ ငွေသေတ္တာအား ဖွင့်ပေးရန်ပြောဆိုသဖြင့် ဝန်ထမ်းအမျိုးသမီးမှာ ကြောက်လန့်၍ ရုံးအနောက်ဘက်အခန်းသို့ထွက်ပြေးရာ အကြမ်းဖက်သမား များက သေနတ်ဖြင့် ၂ ချက်ပစ်ခတ်ခဲ့သဖြင့် ဝန်ထမ်းအမျိုးသမီး၏ ဝဲတင်ပါးဖောက်ဝင်ဒဏ်ရာ ၁ ချက် ထိမှန်သွားခဲ့ပြီး အကြမ်းဖက်သမား ၂ ဦးမှာ ဆိုင်ကယ်ဖြင့်ထွက်ပြေးသွားခဲ့သည်။ ဝန်ထမ်းအမျိုး သမီးအား လုံခြုံရေးတပ်ဖွဲ့ဝင်များက ပခုက္ကူဆေးရုံသို့ ပို့ဆောင်ဆေးကုသပေးစေခဲ့ပြီး အကြမ်းဖက် သမား ၂ ဦးအား ဖမ်းဆီးရမိရေး လိုက်လံပိတ်ဆို့ရှာဖွေစစ်ဆေးခြင်းများ ဆောင်ရွက်လျက်ရှိကြောင်း သတင်းရရှိသည်။