မန္တလေးတိုင်းဒေသကြီး၊ စဉ့်ကူးမြို့နယ်၊ သပိတ်ကျင်းမြို့နယ်နှင့် ဝမ်းတွင်းမြို့နယ်တို့၌ ရာဇဝတ်ကျင့်ထုံးဥပဒေပုဒ်မ-၁၄၄ အရ အမိန့်ထုတ်ပြန်
နေပြည်တော်၊ မတ် - ၁၈
နေပြည်တော်ကောင်စီနယ်မြေအတွင်းနှင့် တိုင်းဒေသကြီး၊ ပြည်နယ်များအတွင်းရှိ မြို့နယ်များ၌ ဖေဖော်ဝါရီ ၈ ရက်၊ ဖေဖော်ဝါရီ ၉ ရက်နှင့် မတ် ၈ ရက်တို့တွင် ရာဇဝတ်ကျင့်ထုံး ဥပဒေပုဒ်မ-၁၄၄ အရ အမိန့်ထုတ်ပြန်ခဲ့ပြီးဖြစ်သည်။
ထိုသို့ထုတ်ပြန်ရာ ယနေ့တွင်လည်း မန္တလေးတိုင်းဒေသကြီး၊ စဉ့်ကူးမြို့နယ်၊ သပိတ်ကျင်းမြို့နယ်နှင့် ဝမ်းတွင်းမြို့နယ်အတွင်းတို့၌ စုဝေးခြင်း၊ ဟောပြောခြင်း၊ ယာဉ် တစ်မျိုးမျိုးကို အသုံးပြု၍ ဖြစ်စေ၊ လူကိုယ်တိုင်ဖြစ်စေ စီတန်းလှည့်လည်ခြင်း၊ လှုံ့ဆော်ဆန္ဒပြခြင်း၊ ဖျက်ဆီးခြင်း၊ ရုန်းရင်းဆန်ခတ်ပြုမှုခြင်းများကို မပြုလုပ်ရန် တားမြစ်လိုက်ပြီး လူ ၅ ဦး သို့မဟုတ် ၅ ဦး ထက်ပိုသော သူများသည် ယင်းမြို့နယ်များအတွင်း အများပြည်သူနှင့် ဆိုင်သောနေရာများ တွင် စုဝေးခြင်း မပြုရန်နှင့် ည ၈ နာရီအချိန်မှ နံနက် ၄ နာရီအချိန်အတွင်း ညမထွက်ရအမိန့်ကို ထပ်မံထုတ်ပြန်လိုက်ကြောင်း သတင်းရရှိသည်။