အာဂျင်တီးနားနိုင်ငံ၌ ဇန်နဝါရီ ၁၈ ရက်ညက ယှဉ်ပြိုင်ကစားခဲ့သည့် မာရာဒိုနာဖလားပြိုင်ပွဲတွင် အသင်းခေါင်းဆောင် တီဗက်ဇ် ဦးဆောင်သော အာဂျင်တီးနားထိပ်သီး ဘိုကာဂျူနီယာအသင်းသည် ပြိုင်ဘက်ဘန်းစ်ဖီးလ်ကို ၅ ဂိုး-၃ ဂိုးဖြင့် အနိုင်ရဗိုလ်စွဲခဲ့သည်။
အဆိုပါပွဲမှာ ယခင်က အာဂျင်တီးနား ပြည်တွင်းလိဂ်ဖလားပွဲ ဖြစ်သော်လည်း ဂန္ထဝင် ဘောလုံးသမားကြီး မာရာဒိုနာအား ဂုဏ်ပြုသည့်အနေဖြင့် ဒီယေအာမန်ဒိုမာရာဒိုနာဖလားဟု အမည် ပြောင်းကျင်းပခဲ့ခြင်းဖြစ်သည်။ မာရာဒိုနာသည် ဘိုကာဂျူနီယာအသင်းတွင်လည်း ကစားခဲ့ဖူးသူ ဖြစ်သည်။
ဘိုကာဂျူနီယာအသင်းသည် ဘန်းစ်ဖီးလ်နှင့်ပွဲတွင် အက်ဒွင်ကာမိုနာ၏ ဂိုးဖြင့်ဦးဆောင်နိုင်ခဲ့သော် လည်း ပွဲပြီးခါနီးမှ ချေပဂိုးပေးလိုက်ရ၍ ပယ်နယ်တီအဆုံးအဖြတ်ယူရပြီး ၅ ဂိုး-၃ ဂိုးဖြင့် အနိုင်ရ ဗိုလ်စွဲခဲ့ခြင်းဖြစ်သည်။