မြန်မာအမျိုးသမီးလိဂ်ပြိုင်ပွဲ ပွဲစဉ်(၃)တွင် YREO အသင်းနှင့် ISPE အသင်းတို့ နိုင်ပွဲကိုယ်စီရရှိ
ရန်ကုန် မေ ၁၈
မြန်မာအမျိုးသမီးလိဂ်ပြိုင်ပွဲ ပွဲစဉ်(၃)အဖြစ် ယနေ့ညနေပိုင်းတွင် ရန်ကုန်မြို့၌ယှဉ်ပြိုင်ကစားခဲ့ရာ YERO အသင်းနှင့် ISPE အသင်းတို့ နိုင်ပွဲကိုယ်စီရရှိခဲ့ကြကြောင်း သိရသည်။
မြန်မာအမျိုးသမီးလိဂ်ပြိုင်ပွဲ ပွဲစဉ်(၃)အဖြစ် ယနေ့ ညနေ ၄ နာရီတွင် စလင်းအားကစားကွင်း၌် ရှမ်းယူနိုက်တက်အသင်းနှင့့် YREO အသင်းတို့ကစားခဲ့ရာ ခြေစွမ်းပိုင်းကွာခြားမှုမရှိခဲ့ဘဲ အပြန်အလှန် ဖိအားပေးမှုများဖြင့် အကြိတ်အနယ်ရှိခဲ့သော်လည်း YERO အသင်းက ရှမ်းယူနိုက်တက်အသင်းကို ၂ ဂိုး ဂိုးမရှိဖြင့်အနိုင်ရရှိခဲ့ပြီး YERO အသင်းအတွက် သွင်းဂိုးများကို ပွဲချိန် ၉၄ မိနစ်တွင် စုစုခင်နှင့်သန်းသန်းမော်တို့က သွင်းယူပေးနိုင်ခဲ့ကြသည်။
အလားတူ ညနေ ၄ နာရီတွင် YUSC အားကစားကွင်း၌ ရန်ကုန်ယူနိုက်တက်အသင်းနှင့် ISPE အသင်းတို့ ကစားခဲ့ရာတွင်လည်း ISPE အသင်းက နိုင်ပွဲဆက်နေသည့် ရန်ကုန်ယူနိုက်တက်အသင်းကို ၂ ဂိုး ဂိုးမရှိဖြင့် အနိုင်ရရှိခဲ့ပြီး ISPE အသင်းအတွက် သွင်းဂိုးများကို ပွဲချိန် ၄၅ မိနစ်တွင် ရွှေရည်ထွန်း၊ ပွဲချိန် ၈၁ မိနစ်တွင် လင်းမြင့်မိုရ်တို့က အသီးသီး သွင်းယူပေးခဲ့ကြသည်။
မြန်မာအမျိုးသမီးလိဂ်ပြိုင်ပွဲ ပွဲစဉ်(၃)အဖြစ် မေလ ၁၉ ရက် (ယနေ့ )ညနေ ၄ နာရီတွင် စလင်းအားကစားကွင်း၌ မြဝတီအသင်းနှင့် သစ္စာအားမာန်အသင်းတို့ ဆက်လက်ကစားသွားမည်ဖြစ်ကြောင်း သိရသည်။
စည်သူအောင်