နေပြည်တော်၊ မတ် - ၂၉
တနင်္သာရီတိုင်းဒေသကြီး၊ ကျွန်းစုမြို့နယ်အတွင်းရှိ ကျေးရွာအချို့တို့၌ ဆူပူ အကြမ်းဖက် မှုတွင် အသုံးပြုသည့် လက်လုပ်သေနတ်များကိုင်ဆောင်နေကြောင်း သတင်းအရ မတ် ၂၈ ရက်တွင် ကမ်းရိုးတန်းဒေသတိုင်းစစ်ဌာနချုပ်၊ တပ်နယ်အသီးသီးမှ လုံခြုံရေး တပ်ဖွဲ့ဝင်များက သက်ဆိုင်ရာ ကျေးရွာအုပ်ချုပ်ရေးမှူးများနှင့်အတူ သွားရောက်၍ ဒေသခံ ပြည်သူများကို တရားမဝင်လက်နက် ကိုင်ဆောင်ခြင်းသည် တရားဥပဒေဖြင့် ထိရောက်စွာ အရေးယူခံ ရနိုင်ကြောင်း နားလည်သဘောပေါက်အောင် ရှင်းလင်းပြောကြားသည်။
ယင်းသို့ရှင်းလင်းပြောကြားမှုကြောင့် ကျေးရွာနေပြည်သူများက နားလည်သဘော ပေါက်ကာ တူမီးသေနတ် ၂၀ လက်နှင့် လက်လုပ်သေနတ် ၁၃ လက်တို့အား ၎င်းတို့သဘော ဆန္ဒအလျောက် လုံခြုံရေးတပ်ဖွဲ့ဝင်များထံသို့ အသီးသီး လာရောက်အပ်နှံခဲ့ကြသည်။
အလားတူ မတ် ၂၈ ရက်နှင့် ယနေ့တို့တွင် ဧရာ၀တီတိုင်းဒေသကြီး၊ သာပေါင်း မြို့နယ်နှင့် ကျုံပျော်မြို့နယ်များရှိ ကျေးရွာအချို့တို့မှဒေသခံပြည်သူများက လက်လုပ်သေနတ် ၁၉ လက်၊ လေသေနတ် ၁ လက်၊ ဒူးလေး ၂ လက်၊ ဂျင်ကလိ ၃ လက်၊ လေးခွ ၃၂ လက်နှင့် အခြားအန္တရာယ်ဖြစ်စေနိုင်သည့် ပစ္စည်းများအား ၎င်းတို့သဘောဆန္ဒအလျောက် လုံခြုံရေး တပ်ဖွဲ့ဝင်များထံသို့ အသီးသီး လာရောက်အပ်နှံခဲ့ကြကြောင်း သတင်းရရှိသည်။