လီဗာပူးအသင်းက ရီးယဲလ်မက်ဒရစ်အသင်း လူငယ်ကစားသမား အာဒါဂူလာကိုခေါ်ယူရန် ကြိုးပမ်းနေ

လီဗာပူးအသင်းက ရီးယဲလ်မက်ဒရစ်အသင်း လူငယ်ကစားသမား အာဒါဂူလာကိုခေါ်ယူရန် ကြိုးပမ်းနေ

လီဗာပူးအသင်းနည်းပြသစ်  ဆလော့က  လာမည့်နွေရာသီ    ကစားသမားအပြောင်းအရွှေ့ကာလတွင် ရီးယဲလ်မက်ဒရစ်အသင်း လူငယ်ကစားသမား အာဒါဂူလာကို  ခေါ်ယူရန်   ကြိုးပမ်းလျက်ရှိကြောင်း သိရသည်။

လီဗာပူးအသင်းသည်  နည်းပြကလော့နှင့်လမ်းခွဲပြီးနောက် ၎င်း၏နေရာ၌ နည်းပြသစ်အဖြစ် ဆလော့ကိုခန့်အပ်ခဲ့ပြီး  နည်းပြဆလော့ကလည်း  အသင်းမှကစားသမားများကို အပြောင်းအလဲပြုလုပ်ရန် ပြင်ဆင်နေကာ  အသင်းတိုက်စစ်ပိုင်းအတွက်  အာဒါဂူလာကို ခေါ်ယူရန် စီစဉ်နေခြင်းဖြစ်သည်။

လီဗာပူးအသင်းသည် လာမည့်နွေရာသီကစားသမား အပြောင်းအရွှေ့ကာလတွင်   အသင်းတိုက်စစ်ပိုင်းမှ ဒီယက်စ်၊ ဆာလက်ချ်နှင့် ဒါဝင်နူနက်စ်တို့မှာ အနာဂတ် မရေမရာဖြစ်နေသည့်အတွက်    နည်းပြဆလော့က အသင်းတိုက်စစ်ပိုင်းအတွက် အာဒါဂူလာကို ခေါ်ယူရန် ကြိုးပမ်းနေခြင်းဖြစ်သည်။

အသက် ၁၉ နှစ်အရွယ်သာရှိသေးသည့် အာဒါဂူလာသည်     ပြီးခဲ့သည့်နွေရာသီကစားသမား အပြောင်းအရွှေ့ကာလက ဖီနာဘာချီအသင်းမှ ရီးယဲလ်မက်ဒရစ်အသင်းသို့  ပြောင်းရွှေ့ကစားခဲ့သူဖြစ်ပြီး အသင်းတွင် ပွဲစဉ်အနည်းငယ်သာ ပါဝင်ကစားခွင့် ရရှိခဲ့သော်လည်း ပါဝင်ကစားခွင့်ရရှိသည့်ပွဲစဉ်များတွင် အကောင်းဆုံးခြေစွမ်းပြနိုင်ခဲ့သူ ဖြစ်သည်။

အလားတူ အာဒါဂူလာသည် လက်ရှိ ယူရို ၂၀၂၄ ပြိုင်ပွဲတွင်လည်း တူကီယဲအသင်းနှင့်အတူ အကောင်း ဆုံးခြေစွမ်းပြနေသည့်အတွက်   လီဗာပူးအသင်းက  ယူရိုပြိုင်ပွဲအပြီးတွင်    ကမ်းလှမ်းရန် ပြင်ဆင် နေသော်လည်း   ရီးယဲလ်မက်ဒရစ်အသင်းက   အပြီးသတ် မရောင်းချလိုဘဲ အငှားစာချုပ်ဖြင့်သာ စေလွှတ်ဖွယ်ရှိကြောင်း  သိရသည်။            

Ref;Talksports