ပဲရစ်၊ ဘောလုံး
ပြင်သစ်လီဂူးဘောလုံးအဖွဲ့ချုပ်က ၂၀၂၁-၂၀၂၂ ဘောလုံးရာသီ ပြင်သစ်လီဂူးဝမ်းပြိုင်ပွဲ ပွဲစဉ်ဇယားများ ကို ယနေ့တွင် ထုတ်ပြန်ကြေညာခဲ့ကာ ပြိုင်ပွဲကို သြဂုတ် ၈ ရက်မှစတင်ကျင်းပမည်ဖြစ်ပြီး ၂၀၂၂ ခုနှစ် မေ ၂၁ ရက်အထိ ကျင်းပမည်ဖြစ်ကြောင်း သိရသည်။ ၂၀၂၀-၂၀၂၁ ဘောလုံးရာသီ ပြင်သစ်လီဂူးဝမ်း ပြိုင်ပွဲတွင် လိုင်လီအသင်းက နာမည်ကြီးပီအက်စ်ဂျီ အသင်းကိုကျော်ဖြတ်ပြီး ချန်ပီယံဆု ဆွတ်ခူးနိုင်ခဲ့သည်။လာမည့်ဘောလုံးရာသီသစ်တွင် ပြင်သစ်လီဂူးဝမ်းပြိုင်ပွဲသို့ ထရွိုင်းယက်စ် အသင်းနှင့် ကလီးယားမောင့် အသင်းတို့က တန်းတက်ခွင့်ရရှိခဲ့သည်။
၂၀၂၀-၂၀၂၁ ဘောလုံးရာသီ ပြင်သစ်လီဂူးဝမ်းပြိုင်ပွဲ အဖွင့်ပွဲစဉ်ဖြစ်သည့် ပွဲစဉ်(၁)အဖြစ် လက်ရှိချန်ပီယံ လိုင်လီအသင်းနှင့် မက်အသင်း၊ ဘော်ဒိုးအသင်းနှင့် ကလီးယားမောင့်အသင်း၊ လိုင်ယွန်အသင်းနှင့် ဘရက်စ်အသင်း၊ မိုနာကိုအသင်းနှင့် နန့်တက်စ်အသင်း၊ မောင့်ပယ်လီယာ အသင်းနှင့် မာဆေးအသင်း၊ နိုက်စ်အသင်းနှင့် ရိမ်းအသင်း၊ ရင်းနက်စ်အသင်းနှင့် လန်းအသင်း၊ စိန့်အက်တီရန်အသင်းနှင့် လိုရီးယန့်အသင်း၊ စထရာဘော့အသင်းနှင့် အန်းဂါးအသင်း၊ ထရွိုင်းယက်စ် အသင်းနှင့် ပီအက်စ်ဂျီအသင်းတို့ ယှဉ်ပြိုင်ကစားမည်ဖြစ်ကြောင်း သိရသည်။