(၇၆)နှစ်မြောက်တပ်မတော်နေ့အထိမ်းအမှတ် စုပေါင်းသွေးလှူဒါန်း
နေပြည်တော်၊ မတ် - ၂၆
(၇၆)နှစ်မြောက်တပ်မတော်နေ့အထိမ်းအမှတ် စုပေါင်းသွေးလှူဒါန်းပွဲကို ယနေ့နံနက်ပိုင်းတွင် မြောက်ပိုင်းတိုင်းစစ်ဌာနချုပ်၊ အားကစားခန်းမ၌ပြုလုပ်ရာ ကွပ်ကဲမှု အောက် တပ်ရင်း၊ တပ်ဖွဲ့များမှ အရာရှိ၊ စစ်သည် ၃၄ ဦးတို့က သတ်မှတ်နေရာများ၌ စုပေါင်းသွေးလှူဒါန်းကြသည်။
ထိုသို့ သွေးလှူဒါန်းနေမှုများကို တိုင်းမှူး ဗိုလ်မှူးချုပ် မြတ်သက်ဦးနှင့် အဖွဲ့ဝင်များက သွားရောက်ကြည့်ရှုအားပေးပြီး အာဟာရဖြည့်စားသောက်ဖွယ်ရာများပေးအပ်သည်။
ထို့အတူ (၇၆)နှစ်မြောက်တပ်မတော်နေ့အထိမ်းအမှတ် စုပေါင်းသွေးလှူဒါန်းပွဲကို ယနေ့ နေ့လယ်ပိုင်းတွင် မန္တလေးတိုင်းဒေသကြီး၊ ၊ ပြင်ဦးလွင်မြို့၊ တပ်မတော်ဆေးရုံ၌ပြုလုပ်ရာ နှလုံးလှကြယ်စင်သွေးအလှူရှင်များအသင်း၊ ပြင်ဦးလွင်ခရိုင်၊ မြို့နယ်များရှိ ဌာနဆိုင်ရာ ဝန်ထမ်းများ၊ ပြင်ဦးလွင်မြို့နယ်အတွင်းရှိ ကျေးရွာများမှ စေတနာရှင်သွေးအလှူရှင် ၁၅၀ဦးတို့က သတ်မှတ်နေရာများ၌ စုပေါင်းသွေးလှူဒါန်းကြပြီး ပြင်ဦးလွင်တပ်နယ်မှာတာဝန်ရှိသူများနှင့် မြို့နယ်စီမံအုပ်ချုပ်ရေးအဖွဲ့မှ တာဝန်ရှိသူများက သွားရောက်ကြည့်ရှုအားပေးကာ အာဟာရဖြည့် စားသောက်ဖွယ်ရာများပေးအပ်ခဲ့ကြောင်း သတင်းရရှိသည်။