နေပြည်တော် ဧပြီ ၂၀
ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စု၊ မှော်စီစာကျေးရွာအနီးရှိ ဖြူစင်ကုန်း-မှော်စီစာ သွားကားလမ်း၌ ယနေ့နံနက် ၁၀ နာရီ ၄၅ မိနစ်ခန့်တွင် သတင်းအရ လုံခြုံရေးတပ်ဖွဲ့ဝင်များက မော်တော်ယာဉ် ဖြတ်သန်းသွားလာမှုများအား စစ်ဆေးဆောင်ရွက်စဉ် ဖြူစင်ကုန်းဘက်မှ မှော်စီစာဘက်သို့ ဇော်ထွန်းဦး(ဘ) ဦးခင်ဇော် မောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရာ မော်တော် ဆိုင်ကယ်ရှေ့ခွကြား၌ ပလတ်စတစ်အိတ်ဖြင့် ထည့်ထားသည့် အလေးချိန် ၉ ဂရမ်ခန့်စီပါ ဘိန်းဖြူဆပ်ပြာခွက် ၅၅ ခွက်(၄၉၅)ဂရမ် (ခန့်မှန်းတန်ဖိုးငွေကျပ်သိန်း ၃၄၀ ကျော်)နှင့်အတူ ဖမ်းဆီးရမိခဲ့သည်။
အဆိုပါ မော်တော်ဆိုင်ကယ်၊ မူးယစ် ဆေးဝါးများနှင့်အတူ ဖမ်းဆီးရမိသူအား လုံးခင်းနယ်မြေရဲစခန်းသို့ စနစ်တကျ လွှဲပြောင်းအပ်နှံခဲ့ကြောင်း သတင်းရရှိသည်။