နေပြည်တော် မေ ၆
ကချင်ပြည်နယ်၊ မိုးမောက်မြို့နယ်၊ တာပိန်ကြိုးတံတား၌ လုံခြုံရေး ဆောင်ရွက် လျက်ရှိသည့် တပ်ဖွဲ့ဝင်များသည် မေ ၅ ရက် ညနေ ၄ နာရီ ၄ဝ မိနစ်ခန့်တွင် ဗန်းမော်မြို့မှ မြစ်ကြီးနားမြို့ဘက်သို့ ဖုန်ဂျွန်မျိုးအောင်လာ(ဘ) ဦးဖော်ဂျိုတူး မောင်းနှင်လာသည့် MITSUBISHI EHCEED အမျိုးအစား မော်တော်ယာဉ် အမှတ်၊့ YGN-3J/--ယာဉ်အား ရပ်တန့်စစ်ဆေးရာ ဆီတိုင်ကီအတွင်းမှ ဘိန်းဖြူ ၁ဝ ဂရမ်ခန့်စီပါ ဆပ်ပြာခွက် ၁၉၄ ခွက် ၁ ဒသမ ၉၄ ကီလို (ခန့်မှန်းတန်ဖိုးငွေ ကျပ် သိန်း ၃၈ဝ ကျော်)နှင့်အတူ ဖမ်းဆီးရမိခဲ့သည်။
အဆိုပါမူးယစ်ဆေးဝါးများ၊ မော်တော်ယာဉ်နှင့်အတူ ဖမ်းဆီးရမိသူအား ဗန်းမော်မြို့ မူးယစ်တပ်ဖွဲ့စု၌ လုပ်ထုံးလုပ်နည်းနှင့်အညီ အမှုဖွင့်အရေးယူ ဆောင်ရွက်လျက် ရှိကြောင်း သတင်းရရှိသည်။