လန်ဒန်၊ ဘောလုံး
ယခုဘောလုံးရာသီကုန်ဆုံးလျှင် စပါးအသင်းမှ ထွက်ခွာမည့် တိုက်စစ်မှူးဟယ်ရီကိန်းသည် မန်စီးတီး အသင်း သို့ ပြောင်းရွှေ့ကစားရန်နီးစပ်နေကြောင်း သိရသည်။
အသက် ၂၇ နှစ်အရွယ် ဟယ်ရီကိန်းသည် စပါးအသင်းတွင် နှစ်စဉ် ခြေစွမ်းပြကစားနိုင်ခဲ့ပြီး ပရီးမီးယားလိဂ် ထိပ်တန်းတိုက်စစ်မှူးတစ်ဦးအဖြစ် ရပ်တည်ကာ ပရီးမီးယားလိဂ် သွင်းဂိုးအများဆုံး ကစားသမားဆု ဆွတ်ခူး နိုင်ခဲ့သော်လည်း အသင်းနှင့်ဆုဖလားတစ်လုံးမှ ရယူနိုင်ခြင်းမရှိသောကြောင့် စိတ်ပျက်နေသည့်အတွက် ထွက်ခွာလိုနေခြင်းဖြစ်သည်။
လာမည့်ဘောလုံးရာသီတွင် စပါးအသင်းအနေဖြင့် ချန်ပီယံလိဂ်ဝင်ခွင့် လွဲချော်ဖွယ်ရှိနေသည့်အနေအထား ကြောင့် အသင်းတွင် ဆက်လက်မကစားလိုခြင်းဖြစ်သည်။
စပါးအသင်းမှ ဟယ်ရီကိန်းက တရားဝင်ထွက်ခွာခွင့်တောင်းဆိုခဲ့ပြီးနောက် ပရီးမီးယားလိဂ်ထိပ်တန်း အသင်း များဖြစ်သည့် မန်စီးတီးအသင်း၊ ချယ်လ်ဆီး အသင်းနှင့် မန်ယူအသင်းတို့က အပြိုင်ကမ်းလှမ်းရန် ပြင်ဆင် နေပြီး အဆိုပါအသင်းသုံးသင်းမှ ဟယ်ရီကိန်းက နောက်ပိုင်းနှစ်များတွင် အောင်မြင်မှုများစွာရယူနိုင်ခဲ့သည့် မန်စီးတီးအသင်းသို့သာ ပြောင်းရွှေ့လိုနေကြောင်း သိရသည်။
Ref;Footblllondon