စပါးအသင်း၏ တစ်နှစ်တာအကောင်းဆုံးဆုများကို ဟယ်ရီကိန်း ဆွန်ယောင်မင်နှင့် လာမယ်လာတို့ရရှိ

လန်ဒန်၊ ဘောလုံး

ယခုဘောလုံးရာသီတွင် စပါးအသင်းမှပေးအပ်သည့် တစ်နှစ်တာအကောင်းဆုံးဆုများကို တိုက်စစ်ကစားသမား များဖြစ်ကြသည့် ဟယ်ရီကိန်း၊ ဆွန်ယောင်မင်နှင့် လာမယ်လာတို့က ဆွတ်ခူးရရှိခဲ့သည်။ စပါးအသင်း၏ တစ်နှစ်တာ အကောင်းဆုံးကစားသမားဆုကို တောင်ကိုရီးယားနိုင်ငံသား ဆွန်ယောင်မင်က ဟယ်ရီ ကိန်းကို ကျော်ဖြတ်ပြီး ရယူနိုင်ခဲ့ကာ စပါးအသင်းပရိသတ် အဖွဲ့အစည်းသုံးခုမှပေးအပ်သည့် တစ်နှစ်တာအကောင်းဆုံး ကစားသမားဆုကို  တိုက်စစ်မှူးဟယ်ရီကိန်းက  ဆွတ်ခူး ရရှိခဲ့သည်။

အလားတူ တစ်နှစ်တာအကောင်းဆုံးသွင်းဂိုးဆုကို အာဆင်နယ်အသင်းနှင့်  စပါးအသင်းတို့ ကစားခဲ့သည့်ပွဲစဉ် တွင် သွင်းယူခဲ့သည့်သွင်းဂိုးဖြင့် လာမယ်လာ ကရရှိခဲ့သည်။ ယခုဘောလုံးရာသီတွင် စပါးအသင်းတိုက်စစ်ပိုင်း၌ ဟယ်ရီကိန်းနှင့်  ဆွန်ယောင်မင်တို့အတွဲက  အကောင်းဆုံး

တိုက်စစ်အတွဲအဖက်များဖြင့် စံချိန်တင်ထားနိုင်ခဲ့ပြီး ဟယ်ရီကိန်းက ပရီးမီးယားလိဂ်သွင်းဂိုး အများဆုံး ကစားသမား ဆုကိုပါရယူနိုင်ခဲ့သည်။

ဆွန်ယောင်မင်သည် ယခုဘောလုံးရာသီတွင် စပါးအသင်းအတွက် အကောင်းဆုံးခြေစွမ်းပြသနိုင်ခဲ့ပြီးနောက်   စပါးအသင်း၏ တစ်နှစ်တာ အကောင်းဆုံး ကစားသမားဆုကို ပထမအကြိမ် အဖြစ်ရရှိခဲ့ခြင်း ဖြစ်သည်။

တစ်ဦးချင်းဆုတံဆိပ်များကို နှစ်စဉ်ရရှိခဲ့သည့် ဟယ်ရီကိန်းက စပါးအသင်း၏ တစ်နှစ်တာအကောင်းဆုံးကစား သမားဆုနှင့် လွဲချော်ခဲ့ရသော်လည်း ပရီးမီးယားလိဂ် တစ်နှစ်တာဂိုးသွင်းအများဆုံး ကစားသမားဆုကို ရရှိခဲ့ ကြောင်း သိရသည်။

Ref;Football.London