ငမင်ချောင်းတောင်ကျရေ ဝင်ရောက်မှုဖြစ်ပေါ်ခဲ့သည့် တောင်တွင်းကြီးမြို့နယ်၊ ပွင့်လှလေး ကျေးရွာ၌ ကူညီကယ်ဆယ်ရေး လုပ်ငန်းများ ဆောင်ရွက်
နေပြည်တော်၊ အောက်တိုဘာ - ၃
မကွေးတိုင်းဒေသကြီး၊ တောင်တွင်းကြီးမြို့နယ်၊ ပွင့်လှကြီးကျေးရွာအုပ်စု၊ ပွင့်လှ လေးကျေးရွာအတွင်းသို့ အောက်တိုဘာ ၂ ရက် နံနက်ပိုင်းတွင် ငမင်ချောင်းတောင် ကျရေ ၃ ပေခန့် ရေဝင်ရောက်လာမှုကြောင့် အလယ်ပိုင်းတိုင်း စစ်ဌာနချုပ်မှ နယ်မြေခံ တပ်မတော်သားများ၊ မီးသတ် တပ်ဖွဲ့ဝင်များက ကျေးရွာနေ ပြည်သူများအား ကူညီ ကယ်ဆယ်ရေး လုပ်ငန်းများ ဆောင်ရွက်ပေးလျက်ရှိသည်။
အဆိုပါ တောင်ကျရေ ဝင်ရောက်မှုကြောင့် ကျေးရွာရှိ ဒေသကြက် ၅၀ ကောင်၊ ဘဲ ၂၀ ကောင်ခန့် ဆုံးရှုံးခဲ့ကြောင်း သတင်းရရှိသည်။