NLD ပါတီထောက်ခံသူအစွန်းရောက်အကြမ်းဖက်အဖွဲ့နှင့် PDF အကြမ်းဖက်အဖွဲ့ များ၏ ဉပဒေမဲ့ ခြိမ်းခြောက်၊ လူသတ်၊ မီးရှို့မှုများကြောင့် နေရပ်စွန့်ခွာထွက်ပြေး တိမ်းရှောင်လျက်ရှိသည့် ခင်ဦးမြို့နယ်အတွင်းရှိ ကျေးရွာများမှ ဒေသခံပြည်သူများ အား ဆန်၊ ဆီနှင့် စားသောက်ဖွယ်ရာများ ထောက်ပံ့ပေးအပ်
နေပြည်တော်၊ အောက်တိုဘာ - ၇
စစ်ကိုင်းတိုင်းဒေသကြီး၊ ခင်ဦးမြို့နယ်အတွင်းရှိ ကျေးရွာများ၌ NLD ပါတီ ထောက်ခံသူအစွန်းရောက်အကြမ်းဖက်အဖွဲ့နှင့် PDF အကြမ်းဖက်အဖွဲ့များ၏ ဉပဒေမဲ့ ခြိမ်းခြောက်၊ လူသတ်၊ မီးရှို့မှုများကြောင့် ကျေးရွာများရှိ ဒေသခံပြည်သူများသည် ၎င်းတို့၏ နေအိမ်များတွင် နေထိုင်နိုင်ခြင်းမရှိဘဲ ထွက်ပြေးတိမ်းရှောင်လျက်ရှိသည်။
အဆိုပါ ထွက်ပြေးတိမ်းရှောင်လျက်ရှိသည့် ဒေသခံပြည်သူများအား လုံခြုံစိတ်ချ ရသည့်နေရာများတွင် ပြန်လည်ခေါ်ယူစုစည်းကာ ၎င်းတို့၏ လုံခြုံရေးနှင့် နေထိုင်စားသောက်ရေးတို့အား တာဝန်ရှိသူများက စီမံဆောင်ရွက်ပေးပြီး အောက်တို ဘာ ၆ ရက် ညနေပိုင်းတွင် အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ် ဖြိုးသန့်နှင့် တာဝန်ရှိသူများက ခင်ဦးမြို့အထွေထွေအုပ်ချုပ်ရေးဦးစီး ဌာနခန်းမ၌ သွားရောက်တွေ့ဆုံအားပေးစကားပြောကြားပြီး ဆန်၊ ဆီနှင့် စားသောက် ဖွယ်ရာများ ပေးအပ်သည်။
ထို့နောက် တိုင်းမှူးနှင့် တာဝန်ရှိသူများသည် ဒေသခံပြည်သူများ စွန့်ပစ်ခဲ့ရ သည့် အိုးအိမ်များနှင့် လယ်ယာလုပ်ငန်းများအား ပြန်လည်လုပ်ကိုင်နိုင်ရေးအတွက် ဌာနဆိုင်ရာတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့ကြောင်း သတင်းရရှိ သည်။