မြို့နယ်အသီးသီးရှိ စေတီပုထိုးများနှင့် တိုက်နယ်ပြည်သူ့ဆေးရုံတို့၌ စုပေါင်း သန့်ရှင်းရေးလုပ်ငန်းများ ဆောင်ရွက်
နေပြည်တော်၊ အောက်တိုဘာ - ၁၆
ကရင်ပြည်နယ်၊ လှိုင်းဘွဲ့မြို့၊ ကျိုက်မုရောတောင်ပေါ်စေတီတော်မြတ်ကြီး၊ ထီလုံစံပြကျေးရွာရှိ ထီလုံတိုက်နယ်ပြည်သူ့ဆေးရုံ၊ တနင်္သာရီတိုင်းဒေသကြီး၊ ကျွန်းစုမြို့ရှိ သံသရာအေးစေတီတော်၊ ဧရာဝတီတိုင်းဒေသကြီး၊ မြောင်းမြမြို့၊ ပြည်လုံးကပ်ကာစေတီတော်မြတ်ကြီးနှင့် စစ်ကိုင်းတိုင်းဒေသကြီး၊ မုံရွာမြို့၊ မြို့ဝင် မုခ်ဦးအနီးတို့၌ ယနေ့တွင် သက်ဆိုင်ရာ တိုင်းစစ်ဌာနချုပ်များမှ နယ်မြေခံတပ်မတော် သားများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ဌာနဆိုင်ရာ ဝန်ထမ်း များနှင့် ဒေသခံပြည်သူများက စုပေါင်း၍ ချုံနွယ်ပေါင်းမြတ်များ ခုတ်ထွင်ရှင်းလင်းခြင်း နှင့် ပတ်ဝန်းကျင်သန့်ရှင်ရေးပြုလုပ်ခြင်းများ ဆောင်ရွက်ပေးကြသည်။
ယင်းသို့ ဆောင်ရွက်နေမှုများကို သက်ဆိုင်ရာ တိုင်းဒေသကြီး ဝန်ကြီးချုပ်များ နှင့် တိုင်းမှူးတို့က သွားရောက်ကြည့်ရှု၍ လိုအပ်သည်များညှိနှိုင်းဆောင်ရွက်ပေးခဲ့ ကြောင်း သတင်းရရှိသည်။