ဗန်းမောက်မြို့နယ်၊ ပါအောကျေးရွာနှင့် ကင်းဘွယ်ကျေးရွာကြား၌ မူးယစ်ဆေးဝါး သယ်ဆောင်လာသူအား ဖမ်းဆီးရမိ
နေပြည်တော် ၊ စက်တင်ဘာ - ၁၅
စစ်ကိုင်းတိုင်းဒေသကြီး၊ ဗန်းမောက်မြို့နယ်၊ ပါအောကျေးရွာနှင့် ကင်းဘွယ် ကျေးရွာကြား၌ လုံခြုံရေးဆောင်ရွက်နေသောတပ်ဖွဲ့ဝင်များသည် ယနေ့နံနက် ၈ နာရီခန့်တွင် ပါအောကျေးရွာဘက်မှ ကင်းဘွယ်ကျေးရွာဘက်သို့ ကျောပိုးအိတ်တစ်လုံး လွယ်၍ လမ်းလျှောက်လာသည့် ဦးမြင့်ဝင်း(ဘ)ဦးထွန်းရှိန်အား ခေါ်ယူစစ်ဆေးရာ ၎င်းင်းလွယ်ထားသည် ကျောပိုးအိတ်အတွင်းမှ တစ်ခွက်လျှင် ဘိန်းဖြူ ၁၀ ဂရမ်ခန့်စီပါ ဆပ်ပြာခွက် ၂၂ ခွက်(၂၂၀ ဂရမ်ခန့်) (ခန့်မှန်းတန်ဖိုးငွေကျပ်သိန်း ၂၂၀ ခန့်)နှင့်အတူ ဖမ်းဆီးရမိခဲ့သည်။
အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူအား ပင်ပုံနယ်မြေရဲစခန်းသို့ စနစ်တကျလွှဲပြောင်းအပ်နှံခဲ့ကြောင်း သတင်းရရှိသည်။