ရှမ်းပြည်နယ်(တောင်ပိုင်း)၊ ကျေးသီး မြို့နယ်အတွင်း လုံခြုံရေးဆောင်ရွက်လျက်ရှိသော တပ်ဖွဲ့ဝင်များသည် ယနေ့နံနက်၈ နာရီခန့်တွင် ကျေးသီးမြို့အထွက် ကျေးသီး-မိုင်းကိုင်သွား ကားလမ်းပေါ်၌ ရပ်တန့်ထားသည့် မသင်္ကာဖွယ်မော်တော်ယာဉ်တစ်စီးအားစစ်ဆေးရာ ယာဉ်၏ဘောနပ်ဖုံး၊ ရှေ့ခန်းတံခါးရွက်များနှင့် ယာဉ်နောက်ခန်းနံရံအတွင်း အံဝှက်ပြုလုပ်၍ သိုဝှက်တင်ဆောင်ထားသည့် WT စာတန်းပါ စိတ်ကြွရူးသွပ်ဆေးပြား ၅၅၅၇၅၀ ပြား(ခန့်မှန်းတန်ဖိုး ငွေကျပ် သိန်း ၅၅၀၀ ကျော်)ကို တွေ့ရှိသိမ်းဆည်းရမိခဲ့သည်။ အဆိုပါ သိမ်းဆည်းရမိ မော်တော်ယာဉ်နှင့် မူးယစ်ဆေးဝါးများအား ကျေးသီးမြို့မရဲစခန်း၌ လုပ်ထုံးလုပ်နည်းနှင့်အညီ ဆက်လက် ဆောင်ရွက်လျက်ရှိကြောင်း သတင်းရရှိသည်။