ပြည်ပမှပြန်လာသူများကို အခမဲ့ Quarantine ဝင်ရောက်စေခြင်း၊ ကိုဗစ်-၁၉ ရောဂါပိုး ရှိ/မရှိစစ်ဆေးပေးခြင်းနှင့် ရောဂါပိုး စစ်ဆေးတွေ့ရှိသူများကို ရောဂါပျောက်ကင်းသည်အထိ ကျန်းမာရေး စောင့်ရှောက်မှုပေးခြင်းများဆောင်ရွက်ပေး
နေပြည်တော် ဒီဇင်ဘာ ၃၀
၁။ ကိုဗစ်-၁၉ ကမ္ဘာ့ကပ်ရောဂါကြောင့် ပြည်ပနိုင်ငံများတွင် အခက်အခဲဖြစ်နေကြ သည့် မြန်မာနိုင်ငံသူ၊ နိုင်ငံသားများအား အမိမြန်မာနိုင်ငံတော်သို့ ပြန်လည်ဝင်ရောက် နိုင်ရေး ကယ်ဆယ်ရေးလေယာဉ် (Relief Flight) များဖြင့်လည်းကောင်း၊ တပ်မတော် စစ်ရေယာဉ်များဖြင့်လည်းကောင်း၊ နယ်စပ်ဂိတ်များမှ ပြန်လည်ဝင်ရောက်စေခြင်း ဖြင့်လည်းကောင်း အမိမြန်မာနိုင်ငံတော်၏ အရိပ်အာဝါသအောက်တွင် ကြည့်ရှုစောင့်ရှောက်မှုပေးနိုင်ရေး နိုင်ငံတော်စီမံအုပ်ချုပ်ရေးကောင်စီက စီစဉ်ဆောင်ရွက်ပေး လျက်ရှိပါသည်။ ထိုသို့စီစဉ်ဆောင်ရွက်ပေးလျက်ရှိရာတွင် ၁-၂-၂၀၂၁ ရက်နေ့မှ ၂၈-၁၂-၂၀၂၁ ရက်နေ့အထိ မြန်မာနိုင်ငံသို့ ပြန်လည်ဝင်ရောက်လာသည့် နိုင်ငံသူ၊ နိုင်ငံသားများမှာ ကယ်ဆယ်ရေးလေယာဉ် (Relief Flight) ခရီးစဉ် (၉၀၄)ကြိမ်ဖြင့် Facility Quarantine ဝင်ရောက်သူ (၄၆၆၂၂)ဦး၊ တပ်မတော်စစ်ရေယာဉ်ဖြင့် (၁၀၈၆)ဦး၊ နယ်စပ်ဂိတ်များမှ (၉၂၁၃၃)ဦးဖြစ်ပါသည်။ ကယ်ဆယ်ရေးလေယာဉ် (Relief Flight) ခရီးစဉ်ဖြင့် နိုင်ငံအလိုက်ပြန်လည်ဝင်ရောက်လာသူများအနက် Facility Quarantine ဝင်ရောက်မှုမှာ အောက်ပါအတိုင်းဖြစ်ပါသည်-
( က ) မလေးရှားနိုင်ငံ ၂၄၄၂၆ ဦး
( ခ ) ကိုရီးယားသမ္မတနိုင်ငံ ၆၂၂၄ ဦး
( ဂ ) စင်ကာပူနိုင်ငံ ၇၇၁၃ ဦး
( ဃ ) တရုတ်နိုင်ငံ ၈၄၃ ဦး
( င ) ထိုင်းနိုင်ငံ ၃၆၇၄ ဦး
( စ ) ဒူဘိုင်း ၁၁၉၀ ဦး
( ဆ ) အိန္ဒိယနိုင်ငံ ၉၂၅ ဦး
( ဇ ) ဂျပန်နိုင်ငံ ၄၉၀ ဦး
( ဈ ) လာအိုနိုင်ငံ ၁၁ ဦး
( ည ) ဖိလစ်ပိုင်နိုင်ငံ ၅၄ ဦး
( ဋ ) ဂျော်ဒန်နိုင်ငံ ၃၂၆ ဦး
( ဌ ) ထိုင်ဝမ် ၁၅၇ ဦး
( ဍ ) ကမ္ဘောဒီးယားနိုင်ငံ ၉၁ ဦး
( ဎ ) ဗီယက်နမ်နိုင်ငံ ၉၁ ဦး
( ဏ ) ဘင်္ဂလားဒေ့ရှ်နိုင်ငံ ၁၆၄ ဦး
( တ ) အခြားနိုင်ငံများမှ ၂၄၃ ဦး
စုစုပေါင်း ၄၆၆၂၂ ဦး
၂။ နိုင်ငံတော်စီမံအုပ်ချုပ်ရေးကောင်စီ၊ ကိုဗစ်-၁၉ ကာကွယ်ထိန်းချုပ်ရေးနှင့် ကုသရေးဗဟိုကော်မတီတို့၏ လမ်းညွှန်မှုဖြင့် ကျန်းမာရေးဝန်ကြီးဌာနသည် ဆက်စပ်ဝန်ကြီးဌာနများ၊ သက်ဆိုင်ရာတိုင်းဒေသကြီး သို့မဟုတ် ပြည်နယ်အစိုးရအဖွဲ့များနှင့် ပူးပေါင်း၍ ပြည်ပမှပြန်လည်ဝင်ရောက်လာသူများကို နွေးထွေးပျူငှာစွာဖြင့် အသွား အလာကန့်သတ်စောင့်ကြည့်ခြင်း (Facility Quarantine) အား သတ်မှတ်နေရာ များတွင် အခမဲ့ဆောင်ရွက်ပေးခြင်း၊ ကိုဗစ်-၁၉ ရောဂါပိုးရှိ၊ မရှိ ဓာတ်ခွဲနမူနာများ ရယူပြီး RT-PCR နည်းဖြင့် စစ်ဆေးပေးခြင်းများကို ဆောင်ရွက်ပေးခဲ့ရာ ကယ်ဆယ် ရေးလေယာဉ် (Relief Flight) ဖြင့် ပြန်လည် ဝင်ရောက်လာသူ (၄၆၆၂၂)ဦးအနက် (၂၈၁၇)ဦးတွင်လည်းကောင်း၊ တပ်မတော်စစ်ရေယာဉ်ဖြင့် ပြန်လာသူ (၁၀၈၆)ဦး အနက် (၂)ဦးတွင်လည်းကောင်း၊ နယ်စပ်ဂိတ်များမှ ပြန်လည်ဝင်ရောက်လာသူ (၉၂၁၃၃)ဦးအနက် (၂၀၀၃)ဦးတွင်လည်းကောင်း ကိုဗစ်-၁၉ ရောဂါပိုး စစ်ဆေးတွေ့ရှိခဲ့သဖြင့် စုစုပေါင်းဓာတ်ခွဲ အတည်ပြုလူနာ (၄၈၂၂)ဦးရှိခဲ့ပါသည်။ အဆိုပါ ဓာတ်ခွဲအတည်ပြုလူနာများအား သတ်မှတ်နေရာများတွင် ဆေးကုသမှုခံယူစေပြီး ကိုဗစ်-၁၉ ရောဂါ သက်သာပျောက်ကင်းသည်အထိ နိုင်ငံတော်အစိုးရက တာဝန်ယူ ကုသပေးခဲ့ကြောင်း သတင်းရရှိပါသည်။
(၁၀၀)