မိတ္ထီလာမြို့နယ်၊ ညောင်ကန်ကျေးရွာ၌ လက်ပစ်ဗုံးဟောင်းတစ်လုံးတွေ့ရှိ
နေပြည်တော် ၊ စက်တင်ဘာ - ၂၀
မန္တလေးတိုင်းဒေသကြီး၊ မိတ္ထီလာမြို့နယ်၊ ညောင်ကန်ကျေးရွာ၊ ကျီးပင်ကုန်း ဘုန်းတော်ကြီးကျောင်းဝန်းအတွင်းရှိ နံနံပင်စိုက်ခင်းအတွင်း ယနေ့နံနက် ၉ နာရီခွဲခန့်တွင် အလျား ၄ လက်မခန့်၊ လုံးပတ် ၈ လက်မခန့်ရှိ သံချေးတက်နေသည့်လက်ပစ်ဗုံးဟောင်း ၁ လုံး တွေ့ရှိကြောင်း ဆက်သွယ်အကြောင်းကြားလာသဖြင့် လုံခြုံရေးတပ်ဖွဲ့ဝင်များက သွားရောက်စစ်ဆေး သိမ်းဆည်းခဲ့သည်။
အဆိုပါ လက်ပစ်ဗုံးဟောင်းအား အများပြည်သူများအန္တရာယ်မဖြစ်စေရေး အတွက် လုပ်ထုံးလုပ်နည်းနှင့်အညီ စနစ်တကျဖောက်ခွဲဖျက်ဆီးသွားမည်ဖြစ်ကြောင်း သတင်းရရှိသည်။