The Best FIFA Men's Goalkeeper Awardအတွက် ဆန်ခါတင် ဂိုးသမား သုံးဦးစာရင်းတွင် မန်ဒီ ဒွန်နာရမ်မာနှင့် နူအာတို့ပါဝင်
ကမ္ဘာ့ဘောလုံး အဖွဲ့ချုပ် (FIFA)က ရွေးချယ်ပေးအပ်မည့် The Best FIFA Men's Goalkeeper Award အတွက် ဆန်ခါတင်ဂိုးသမား သုံးဦးစာရင်းကို ထုတ်ပြန်ခဲ့ရာ ချယ်လ်ဆီးအသင်းမှ မန်ဒီ၊ ပီအက်စ်ဂျီ အသင်းမှ ဒွန်နာရမ်မာနှင့် ဘိုင်ယန်မြူးနစ် အသင်းမှ နူအာတို့ ပါဝင်လာကြောင်း သိရသည်။
ချယ်လ်ဆီးအသင်းဂိုးသမား မန်ဒီသည် ပြီးခဲ့သည့် ဘောလုံးရာသီက အသင်းနှင့်အတူ ချန်ပီယံလိဂ်ဖလား ဆွတ်ခူးနိုင်ခဲ့ပြီး အကောင်းဆုံး လက်စွမ်းပြနိုင်ခဲ့ပြီး နောက် ယခုအခါ The Best FIFA Men's Goal-keeper Award ဆန်ခါတင် ဂိုးသမားများစာရင်းတွင် ပါဝင်လာပြီး ထိပ်ဆုံးမှ ရေပန်းစားနေသူဖြစ်သည်။
အလားတူ ပီအက်စ်ဂျီအသင်းဂိုးသမား ဒွန်နာရမ် မာသည်လည်း ၂ဝ၂၁ ခုနှစ်အတွင်း ကလပ်အသင်းနှင့်အောင်မြင်မှု မရရှိခဲ့သော်လည်း အီတလီအသင်း နှင့်အတူ ယူရို ၂ဝ၂ဝ ပြိုင်ပွဲ၌ ချန်ပီယံဆု ဆွတ်ခူးနိုင်ခဲ့ သည့်အပြင် ပြိုင်ပွဲ၏ တစ်နှစ်တာ အကောင်းဆုံးကစားသမားဆုကိုလည်း ဆွတ်ခူးနိုင်ခဲ့ပြီး ဥရောပ တစ်နှစ်တာ အကောင်းဆုံး ကစားသမားဆုကိုပါ ရရှိခဲ့သူဖြစ်သည်။
ဘိုင်ယန်မြူးနစ်အသင်း ဂိုးသမား နူအာအနေဖြင့် ၂ဝ၂၁ ခုနှစ်အတွင်းက ပြည်တွင်း ဂျာမန်ဘွန်ဒက်စ်လီဂါ ပြိုင်ပွဲ၌ အောင်မြင်မှုများ ရရှိခဲ့ပြီးနောက် ဆန်ခါတင် ဂိုးသမား သုံးဦးစာရင်းတွင် ပါဝင်လာခြင်းဖြစ်ကြောင်း သိရသည်။