နေပြည်တော် စက်တင်ဘာ ၂၂
မွန်ပြည်နယ်၊ မော်လမြိုင်မြို့၊ ဈေးကြို ရပ်ကွက်၊ တောင်ဝိုင်းရပ်၊ သဇင်လမ်းနေ ဦးနေဇာ(ဘ)ဦးနေလင်း၏နေအိမ်အား စက်တင်ဘာ ၂၁ ရက် ည ၈ နာရီခွဲခန့်တွင် လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က သတင်းအရ ဝင်ရောက်စစ်ဆေးရာ ဦးနေဇာအား တွေ့ရှိခြင်းမရှိဘဲ ၎င်း၏ဇနီးဖြစ်သူ ဒေါ်ဝါဝါ၀င်း(ဘ)ဦးဝင်းစိန်ကို နေအိမ်အိပ်ခန်း အိပ်ရာဘေးရှိ အနက်ရောင်သားရေအိတ်အတွင်းမှ ပွိုင့်-၃၈ ပစ္စတိုသေနတ်တစ်လက်၊ ၎င်းင်းကျည် ၆၀ တောင့်၊ ကျည်အိမ်တစ်ခု၊ အပြာရောင်ပလတ်စတစ်ကပ်ခွာအိတ်အတွင်းထည့်ထားသည့် WY စာတန်းပါ စိတ်ကြွရူးသွပ်ဆေးပြား ၁၆၅ ပြား(မူးယစ်ဆေးဝါး ခန့်မှန်းတန်ဖိုးငွေကျပ် သုံးသိန်းကျော်)၊ ဆက်စပ်ပစ္စည်းများ၊ နေအိမ်ခြံဝင်းအတွင်း ရပ်ထားသည့် ဆူဇူကီးအမျိုးအစား လိုင်စင်မဲ့မော်တော်ယာဉ်တစ်စီး၊ ဟွန်ဒါအမျိုးအစား လိုင်စင်မဲ့မော်တော်ဆိုင်ကယ် တစ်စီးတို့နှင့်အတူ ဖမ်းဆီးရမိခဲ့သည်။
အဆိုပါလက်နက်/ခဲယမ်းများ၊ မူးယစ်ဆေးဝါးများ၊ မော်တော်ယာဉ်၊ မော်တော်ဆိုင်ကယ်များနှင့်အတူ ဖမ်းဆီးရမိသူအား မုပွန်နယ်မြေ ရဲစခန်းသို့ စနစ်တကျ လွှဲပြောင်းအပ်နှံခဲ့ကြောင်း သတင်းရရှိသည်။