နိုင်ငံပြင်ပရောက် မဲဆန္ဒရှင်များအတွက် ကြိုတင်ဆန္ဒမဲလက်မှတ် တစ်သိန်းကျော်လွှဲပြောင်း ပေးအပ်ပြီးဖြစ်

နေပြည်တော်  စက်တင်ဘာ  ၂၅

၂၀၂၀ ပြည့်နှစ် အထွေထွေရွေးကောက်ပွဲတွင် အစိုးရ၏ ခွင့်ပြုချက်ဖြင့် နိုင်ငံပြင်ပ ရောက်ရှိ နေသူများ ကြိုတင်ဆန္ဒမဲလက်မှတ်ဖြင့် ကြိုတင်မဲပေးနိုင်ရေးအတွက် နိုင်ငံခြားရေး ဝန်ကြီး ဌာနက ပေးပို့လာသည့် ပုံစံ(၁၅)များကို သက်ဆိုင်ရာမြို့နယ်များက ဆန္ဒမဲပေးပိုင်ခွင့်ရှိ၊ မရှိ စိစစ်ပြီးသက်ဆိုင်ရာ မြန်မာသံရုံးများ၊ အဖွဲ့ရုံးနှင့် ကောင်စစ်ဝန်ချုပ်ရုံးများသို့ ကြိုတင်ဆန္ဒမဲ လက်မှတ်နှင့် စာအိတ်များ အချိန်မီပေးပို့နိုင်ရေး ဆောင်ရွက်လျက်ရှိရာ ဆန္ဒမဲပေးပိုင်ခွင့်ရှိသူ ၁၈၈ ဦးအတွက် စက်တင်ဘာ ၁၈ ရက်တွင် ပထမအကြိမ်အဖြစ်လည်းကောင်း၊ ဆန္ဒမဲပေး ပိုင်ခွင့်ရှိသူ ၂၀၄၂၆ ဦးအတွက်စက်တင်ဘာ ၂၃ ရက်တွင် ဒုတိယအကြိမ်အဖြစ်လည်းကောင်း၊ ဆန္ဒမဲပေး ပိုင်ခွင့်ရှိသူ ၄၃၄၂၂ ဦးအတွက် စက်တင်ဘာ ၂၄ ရက်တွင် တတိယအကြိမ် အဖြစ် လည်းကောင်း လွှဲပြောင်းပေးအပ်ခဲ့ပြီးဖြစ်သည်။

ဆက်လက်စိစစ်ပြီးသည့် တိုင်းဒေသကြီး/ပြည်နယ်အသီးသီးတို့မှ သက်ဆိုင်ရာသံရုံး ၃၇ ရုံး တွင် ကြိုတင်ဆန္ဒမဲပေးကြမည့် ဆန္ဒမဲပေးပိုင်ခွင့်ရှိသူ ၃၇၄၉၀ ဦးအတွက် ကြိုတင် ဆန္ဒမဲ လက်မှတ်နှင့် စာအိတ်များကို ပြည်ထောင်စု ရွေးကောက်ပွဲကော်မရှင်ရုံး ညွှန်ကြားရေးမှူး ချုပ် ဦးခင်မောင်ဦးက နိုင်ငံခြားရေးဝန်ကြီးဌာန စီမံကိန်းနှင့် စီမံရေးရာဦးစီးဌာန ညွှန်ကြား ရေးမှူးချုပ် ဦးအောင်စိုးဝင်းထံသို့ ယနေ့တွင် စတုတ္ထအကြိမ်အဖြစ် အပြီးသတ် လွှဲပြောင်း ပေးအပ်ခဲ့သည်။

ပြည်ထောင်စု ရွေးကောက်ပွဲကော်မရှင်သည် မဲပေးပိုင်ခွင့်ရှိသည့် မဲဆန္ဒရှင်ပြည်သူများ မဲပေးခွင့် မဆုံးရှုံးစေရေးအတွက် ဆောင်ရွက်လျက်ရှိရာ နိုင်ငံအသီးသီးရှိ သက်ဆိုင်ရာ မြန်မာသံရုံးများ၊ အဖွဲ့ရုံးနှင့် ကောင်စစ်ဝန်ချုပ်ရုံးများ စုစုပေါင်း ၄၅ ရုံးတို့တွင် အစိုးရ၏ ခွင့်ပြုချက်ဖြင့် နိုင်ငံပြင်ပရောက်ရှိနေသူများအနက် တိုင်းဒေသကြီး/ပြည်နယ်အသီးသီးတို့မှ   ဆန္ဒမဲပေးပိုင်ခွင့်ရှိသူ စုစုပေါင်း ၁၀၁၅၂၆ ဦးတို့ ဆန္ဒမဲပေးနိုင်ရေးအတွက် ကြိုတင်ဆန္ဒမဲ လက်မှတ်နှင့် စာအိတ်များကို လွှဲပြောင်းပေးအပ်ပြီးဖြစ်ကြောင်း သိရသည်။

(သတင်းစဉ်)