နေပြည်တော် စက်တင်ဘာ ၂၆
မန္တလေးတိုင်းဒေသကြီး၊ မိတ္ထီလာမြို့ နယ်၊ ညောင်ကန်ကျေးရွာနေ ဦးတင်အေး(ဘ) ဦးစံရင်၏ နေအိမ်ခြံဝင်းအတွင်း၌ စက်တင်ဘာ ၂၅ ရက် နံနက် ၉ နာရီခွဲခန့်တွင် ခြံစည်းရိုးအနီးရှိ သရက်ပင်အမြစ်အားတူးဖော်ခဲ့ရာ အနက် ၁ ပေခန့်သို့အရောက်၌ ခဲယမ်းအဟောင်းများတွေ့ရှိကြောင်း ရပ်ကွက်အုပ်ချုပ်ရေးမှူးမှတစ်ဆင့် အကြောင်းကြား ချက်အရ သိရှိရသည်။ ထို့ကြောင့်လုံခြုံရေးတပ်ဖွဲ့ဝင်များက သွားရောက် စစ်ဆေးခဲ့ရာ အလျား ၄ လက်မ၊ လုံးပတ် ၈ လက်မခန့်ရှိ သံချေးတက်နေသည့် လက်ပစ်ဗုံးဟောင်းတစ်လုံးနှင့် သံချေးတက်နေသည့် ကျည်မျိုးစုံ ၇၁ တောင့်တို့ကို တွေ့ရှိခဲ့သည်။
အဆိုပါ ခဲယမ်းများအား အများပြည်သူများ အန္တရာယ်မဖြစ်စေရေးအတွက် လုပ်ထုံးလုပ်နည်းနှင့်အညီ စနစ်တကျ ဖောက်ခွဲဖျက်ဆီးသွားမည် ဖြစ်ကြောင်း သတင်းရရှိသည်။