ONE Championship အဖွဲ့အစည်းက ကြီးမှူးကျင်းပသည့် ONE Full Circle ပြိုင်ပွဲကို ယနေ့ညနေပိုင်းတွင် စင်ကာပူနိုင်ငံ၌စတင်ကျင်းပရာ အောင်လအန်ဆန်က ဗစ်တာလီဗစ်ဒက်ရှ်ကို ဒိုင်မှတ်ဖြင့်ရှုံးနိမ့်ခဲ့ကြောင်း သိရသည်။
အောင်လအန်ဆန်နှင့် ဗစ်တာလီဘစ်ဒက်ရှ်တို့သည် ချန်ပီယံခါးပတ်စိန်ခေါ်ပွဲမဟုတ်ဘဲ မစ်ဒယ်ဝိတ်တန်း ချန်ပီယံ စိန်ခေါ်ပွဲသာ ဖြစ်သည့်အတွက် သုံးချီသာကစားခဲ့ရပြီး ဗစ်တာလီဘစ်ဒက်ရှ်က ပွဲစကတည်းက ချုပ်ကွက်ဖြင့် အနိုင်ရယူနိုင်ရန်သာ ကြိုးပမ်းခဲ့ခြင်းဖြစ်သည်။ အောင်လအန်ဆန်အနေဖြင့် ၎င်းအားသာသည့် လူချင်းကွာလက်သီးထိုးချက်များဖြင့် ကစားခွင့်မရရှိခဲ့ဘဲ ဗစ်တာလီဘစ်ဒက်ရှ်၏ ချုပ်ကွက်ကြိုးပမ်းမှုများကို အချိန်ပြည့်ကာကွယ်ခဲ့ရပြီး သုံးချီအပြီးတွင် ဒိုင်မှတ်ဆုံးဖြတ်ချက်ခံယူခဲ့ရာတွင် ဗစ်တာလီဗစ်ဒက်ရှ်က အနိုင်ရရှိခဲ့ခြင်းဖြစ်သည်။
ONE Full Circle ပြိုင်ပွဲရိုးရိုးစိန်ခေါ်ပွဲများနှင့် ချန်ပီယံစိန်ခေါ်ပွဲများ အပါအဝင် စုစုပေါင်းတွဲဆိုင်း ၁၂ ဆိုင်းဖြင့် ၎င်းပြိုင်ပွဲတွင်ထည့်သွင်းကျင်းပခဲ့ပြီး ပြိုင်ပွဲ၏အဓိက ပွဲစဉ်ဖြစ်သည့် မစ်ဒယ်ဝိတ်တန်းချန်ပီယံ ကာကွယ်ပွဲအဖြစ် လက်ရှိချန်ပီယံ ဒီရိုင်ဒါနှင့် စိန်ခေါ်သူ အဘာတော့တို့ယှဉ်ပြိုင်ထိုးသတ်ခဲ့ရာ အရပ်အမောင်းနှင့် ချုပ်ကွက်သာလွန်သည့် ဒီရိုင်ဒါက အသာစီးဖြင့် ထိုးသတ်နိုင်ခဲ့ပြီး တတိယအချီတွင် အလဲထိုးဖြင့် အနိုင်ရရှိခဲ့ပြီးနောက် ချန်ပီယံဆုကို ကာကွယ်နိုင်ခဲ့ကြောင်း သိရသည်။
STA