တောင်ငူ၊ လူမှုရေး
အောက်တိုဘာ ၁ ရက်တွင် ကျရောက် သည့် မြန်မာနိုင်ငံရဲတပ်ဖွဲ့နေ့ကို ဂုဏ်ပြုကြိုဆိုသောအားဖြင့် ပဲခူးတိုင်းဒေသကြီး ရေတာရှည်မြို့နယ်နှင့် ထန်းတပင်မြို့နယ်တို့မှ ရဲတပ်ဖွဲ့ဝင်များသည် တောင်ငူ မြို့ ပြည်သူ့ဆေးရုံကြီး၌ စက်တင်ဘာ ၂၉ ရက် မွန်းလွဲပိုင်းတွင် စုပေါင်းသွေးလှူဒါန်းကြောင်း သိရသည်။
ထိုသို့ သွေးလှူဒါန်းရာတွင် ရေတာရှည်မြို့နယ်ရဲတပ်ဖွဲ့မှူး ရဲမှူးဝင်းတင် ဦးစီးသည့် အရာရှိနှစ်ဦး၊ အခြားအဆင့် ရဲတပ်ဖွဲ့ဝင် ၁၈ ဦးနှင့် ထန်းတပင်မြို့နယ်ရဲတပ်ဖွဲ့မှ မြို့နယ်ရဲတပ်ဖွဲ့မှူး ရဲမှူးလှနိုင် ဦးစီးသည့် အရာရှိတစ်ဦး၊ အခြားအဆင့်ရဲတပ်ဖွဲ့ဝင် ၁၂ ဦးတို့က စုပေါင်းသွေးလှူဒါန်းကြရာ တောင်ငူခရိုင် ရဲတပ်ဖွဲ့မှူး ဒုတိယရဲမှူးကြီးဇော်လွင်ဦးနှင့် တာဝန်ရှိသူများက ကြည့်ရှုအားပေးကာ ကြက်ဥ၊ အချိုရည်နှင့် သောက်ရေသန့်ဘူးများ ပေးအပ်ကြကြောင်း သိရသည်။
ကိုလွင်(ဆွာ)