မကွေးမြို့နယ်၊ သစ်ရာကောက်ကျေးရွာ၌ သောက်ရေသန့်ဘူးကြီးများလှူဒါန်း
နေပြည်တော်၊ ဧပြီ - ၁၂
သောက်သုံးရေရှားပါးမှုကြုံတွေ့နေရသည့် ပြည်နယ်နှင့် တိုင်းဒေသကြီးအချို့ရှိ ရပ်ကွက်၊ ကျေးရွာများသို့ သက်ဆိုင်ရာ တိုင်းစစ်ဌာနချုပ်များရှိ တပ်မတော်သားများက ရေသယ်ယာဉ်များဖြင့် သောက်သုံးရေများ သွားရောက်ဖြန့်ဝေလှူဒါန်းလျက်ရှိရာ ယနေ့တွင် အလယ်ပိုင်းတိုင်းစစ်ဌာနချုပ်၊ မကွေးတပ်နယ်မှ နယ်မြေခံတပ်မတော် သားများက မကွေးတိုင်းဒေသကြီး၊ မကွေးမြို့နယ်၊ သစ်ရာကောက်ကျေးရွာသို့ သောက်ရေသန့်ဘူးကြီး ၁၀၀ ဘူးကို သွားရောက်ဖြန့်ဝေလှူဒါန်းခဲ့ကြောင်း သတင်း ရရှိသည်။