ကျိုင်းတုံ ပညာရေးဒီဂရီကောလိပ်နှင့် တောင်ငူတက္ကသိုလ်တို့၌ သင်တန်းသား/ သင်တန်းသူများနှင့် မောင်မယ်သစ်လွင်များ ကြိုဆိုပွဲပြုလုပ်
နေပြည်တော်၊ မေ - ၁၉
ရှမ်းပြည်နယ်(အရှေ့ပိုင်း)၊ ကျိုးတုံ ပညာရေးဒီဂရီကောလိပ် ပထမနှစ် (ဒုတိယနှစ်ဝက်)နှင့် ပထမနှစ်(ပထမနှစ်ဝက်) သင်တန်း ကျောင်းသား၊ ကျောင်းသူ များကြိုဆိုပွဲကို အဆိုပါပညာရေးဒီဂရီကောလိပ်၌လည်းကောင်း၊ ၂၀၂၂-၂၀၂၃ ပညာ သင်နှစ်၊ ၂၀၂၀ တက္ကသိုလ်ဝင်တန်းအောင် ပထမနှစ်သင်တန်း မောင်မယ်သစ်လွင် ကြိုဆိုပွဲကို ပဲခူးတိုင်းဒေသကြီး၊ တောင်ငူမြို့၊ တောင်ငူတက္ကသိုလ်၌လည်းကောင်း အသီးသီးပြုလုပ်ရာ သက်ဆိုင်ရာ တိုင်းစစ်ဌာနချုပ်များမှ တိုင်းမှူးများနှင့် တာဝန်ရှိသူများ၊ ပါမောက္ခချုပ်၊ ဒုတိယ ပါမောက္ခချုပ်များ၊ ပါမောက္ခ(ဌာနမှူး)များ၊ ပါမောက္ခများ၊ တာဝန်ရှိသူများနှင့် ကျောင်းသား၊ ကျောင်းသူများ တက်ရောက် ကြသည်။
ဦးစွာ တိုင်းမှူးများနှင့် တာဝန်ရှိသူများက ကြိုဆိုနှုတ်ခွန်းဆက် အဖွင့်အမှာ စကားများ အသီးသီးပြောကြားကြသည်။ ထို့နောက် ဆရာ၊ ဆရာမများနှင့် ကျောင်းသား၊ ကျောင်းသူများက တေးသီချင်းများဖြင့် သီဆိုဖျော်ဖြေကြပြီး တိုင်းမှူးများနှင့် တက်ရောက်လာကြသူများက ကျောင်းသား၊ ကျောင်းသူများအား ရင်းရင်းနှီးနှီးလိုက်လံနှုတ်ဆက်ပြီး အာဟာရဖြည့်စားသောက်ဖွယ်ရာများပေးအပ် ကာ လိုအပ်သည်များညှိနှိုင်း ဆောင်ရွက်ပေးခဲ့ကြောင်း သတင်းရရှိသည်။