မုံရွာမြို့၊အိုးဘိုတောင်ရပ်ကွက်ရှိ ချင်းတွင်းလမ်းအား နိုင်လွန်ကတ္တရာလမ်း အဆင့်မြှင့် တင်ဖွင့်လှစ်
နေပြည်တော်၊ မေ - ၂၆
စစ်ကိုင်းတိုင်းဒေသကြီး၊ မုံရွာမြို့၊ အိုးဘိုတောင်ရပ်ကွက်၊ ချင်းတွင်းလမ်းအား နိုင်လွန်ကတ္တရာလမ်း အဆင့်မြှင့်တင်ခြင်းဖွင့်ပွဲကို ယနေ့နံနက်ပိုင်းတွင် အဆိုပါလမ်း ဖွင့်ပွဲမုဒ်ဦးရှေ့တွင် ပြုလုပ်ရာ တိုင်းဒေသကြီး ဝန်ကြီးချုပ် ဦးမြတ်ကျော်၊ အနောက်မြောက်တိုင်းစစ်ဌာနချုပ် တိုင်းမှူး ဗိုလ်မှူးချုပ် သန်းထိုက်နှင့်အဖွဲ့ဝင်များ၊ ဌာနဆိုင်ရာ တာဝန်ရှိသူများနှင့် ရပ်ကွက်နေပြည်သူများ တက်ရောက်ကြသည်။
ဦးစွာ တိုင်းဒေသကြီး ဝန်ကြီးချုပ် က အဖွင့်အမှာစကားပြောကြားသည်။ ထို့နောက် မုံရွာမြို့နယ်၊ စည်ပင်သာယာရေးအဖွဲ့မှ တာဝန်ရှိသူတစ်ဦးက လမ်းနှင့်ပတ်သက်သည့် အချက်အလက်များကို ရှင်းတင်ပြသည်။ ဆက်လက်၍ တိုင်းဒေသကြီး ဝန်ကြီးချုပ်၊ တိုင်းမှူးနှင့် တာဝန်ရှိသူများက နိုင်လွန်ကတ္တရာလမ်းအား ဖဲကြိုးဖြတ်ဖွင့်လှစ်ပေးကြပြီး အရှည် ၇၉၅၀ ပေ၊ အကျယ် ၂၂ ပေရှိ နိုင်လွန်ကတ္တရာလမ်းအား လိုက်လံကြည့်ရှုစစ်ဆေးခဲ့ကြကြောင်း သတင်းရရှိသည်။