နေပြည်တော်၊ အောက်တိုဘာ - ၆
မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ (စ)ရပ်ကွက်ရှိ ဘုံပျံတောရ မြဝတီ အမှတ်(၂)သီလရှင် စာသင်တိုက်သို့ အလယ်ပိုင်းတိုင်းစစ်ဌာနချုပ် အရာရှိ၊ စစ်သည်၊ မိသားစုများနှင့် ယူနန်ဗုဒ္ဓဘာသာဘုရားကျောင်းတို့ စုပေါင်းလှူဒါန်းသည့် ဆွမ်းဆန်၊ ဆီ၊ ပဲ၊ ဆားနှင့် Face Mask များကို ယနေ့နံ၅နက်ပိုင်းတွင် တိုင်းမှူးဗိုလ်မှူးချုပ် ကိုကိုဦးနှင့် အဖွဲ့ဝင်များ၊ ယူနန်ဗုဒ္ဓဘာသာ ဘုရားကျောင်းမှ တာဝန်ရှိသူများက အဆိုပါ စာသင်တိုက်သို့ သွားရောက်၍ စာသင်တိုက် ပဓာနနာယက သီလရှင်ဆရာကြီး ဒေါ်ယုကေသီနှင့် စာချ၊ စာသင်သီလရှင် ဆရာကြီးများထံ ဆက်ကပ်လှူဒါန်းကြသည်။
ထိုသို့ လှူဒါန်းမှုတွင် အဆိုပါ စာသင်တိုက်ရှိ စာချ၊ စာသင်သာသနာနွယ်ဝင် သီလရှင် ၇၉ ပါးအတွက် တိုင်းစစ်ဌာနချုပ် အရာရှိ၊ စစ်သည်၊ မိသားစုများနှင့် ယူနန်ဗုဒ္ဓဘာသာ ဘုရားကျောင်းတို့ စုပေါင်းလှူဒါန်းသည့် ဆွမ်းဆန် ၂၀ အိတ်၊ ဆီ ၃၅ ပိဿာ အပါအဝင် ဆီ၊ ဆား၊ ပဲ စသည့်အမယ် ၄ မျိုးနှင့် Face Mask များကို ဆက်ကပ်လှူဒါန်းခဲ့ကြောင်း သတင်းရရှိသည်။