၂၀၂၂ခုနှစ် ကာကွယ်ရေးဦးစီးချုပ်(လေ) တံခွန်စိုက်ဒိုင်း ဘောလုံးပြိုင်ပွဲ ဗိုလ်လုပွဲ နှင့် ဆုပေးပွဲပြုလုပ်
နေပြည်တော်၊ ဇွန် -၂၀
၂၀၂၂ခုနစ် ကာကွယ်ရေးဦးစီးချူပ်(လေ)တံခွန်စိုက်ဒိုင်းဘောလုံးပြိုင်ပွဲ ဗိုလ်လုပွဲနှင့် ဆုပေးပွဲကို ယနေ့ ညနေပိုင်းတွင် မြေပြင်အတတ်သင်လေတပ် စခန်း အားကစားကွင်း၌ ပြုလုပ်ရာ မိထ္ထီလာတပ်နယ်မှ အရာရှိကြီးများ၊ အရာရှိ၊ စစ်သည်၊ မိသားစုများ၊ ဒိုင်အဖွဲ့ဝင်များ၊ ပြိုင်ပွဲဝင်အားကစားသမားများနှင့် အားကစားဝါသနာရှင်များတက်ရောက်ကြသည်။
ဦးစွာ မိထ္ထီလာတပ်နယ်မှ အရာရှိကြီးများနှင့် တက်ရောက်လာကြသူများက ဗိုလ်လုပွဲပွဲစဉ်ဖြစ်သည့် လေကြောင်းအတတ်သင်လေတပ်စခန်းဌာနချုပ်အသင်း နှင့် မြေပြင်အတတ်သင်လေတပ်စခန်း အသင်းတို့၏ ယှဉ်ပြိုင်ကစားနေမူကို ကြည့်ရူ့အားပေးကြသည်။
ထို့နောက်ဆုပေးပွဲကို ဆက်လက်ပြုလုပ်ရာ ဒိုင်အဖွဲ့ဝင်များ၊ တစ်ဦးချင်းဆု ရရှိကြသူများ၊ အသင်းလိုက်ဆုရရှိကြသူများနှင့် ဒိုင်းဆုရရှိသည့် မြေပြင် အတတ်သင်လေတပ်စခန်းအသင်းတို့အား ကာကွယ်ရေးဦးစီးချုပ်(လေ)ကိုယ်စား လေကြောင်းအတတ်သင် လေတပ်စခန်းဌာနချုပ်မှူးနှင့် တာဝန်ရှိသူများက ဒိုင်းဆုနှင့် ဂုဏ်ပြုဆုများ အသီးသီးပေးအပ်ကြသည်။
အဆိုပါဘောလုံးပြိုင်ပွဲကို လေတပ်စခန်းဌာနချုပ်နှင့် လေတပ်စခန်း အသီးသီးမှ ပြိုင်ပွဲဝင်အသင်း ၁၃သင်းဖြင့် ဇွန် ၁ ရက်မှ ယနေ့အထိ ယှဉ်ပြိုင် ကစားခဲ့ခြင်းဖြစ်ကြောင်း သတင်းရရှိသည်။