မိဘပြည်သူများ၏ မေတ္တာရပ်ခံချက်များအရ တပ်မတော်ဆိုင်ရာ တက္ကသိုလ်များ၏ ဗိုလ်လောင်းဝင်ခွင့်များအတွက် အသက်ကန့်သတ်ချက်ကို တိုးမြှင့်သတ်မှတ်
နေပြည်တော် ဇွန် ၂၇
စစ်တက္ကသိုလ်၊ တပ်မတော်နည်းပညာ တက္ကသိုလ်၊ တပ်မတော်ဆေး တက္ကသိုလ်နှင့် တပ်မတော်ဆေး တက္ကသိုလ် (အမျိုးသမီး) ဗိုလ်လောင်းဝင်ခွင့်နှင့် ပတ်သက်၍ မိဘပြည်သူများ၏ မေတ္တာရပ်ခံချက်အရ အသက် ကန့်သတ်ချက်ကို ယခင်ထက် ၆ လတိုး၍ ပြင်ဆင်သတ်မှတ် ပေးလိုက်ကြောင်း သိရှိရသည်။
အဆိုပါ တက္ကသိုလ်များအတွက် ဗိုလ်လောင်းဝင်ခွင့် လျှောက်ထားမှုတွင် ယခင် ၂၀၂၃ ခုနှစ်၊ ဇန်နဝါရီ ၁ ရက်တွင် အသက် ၁၆ နှစ်အောက်မငယ်ရ၊ ၁၈ နှစ်ထက်မကြီးရ (အစား) ၂၀၂၃ ခုနှစ်၊ ဇန်နဝါရီ ၁ ရက်တွင် အသက် ၁၆ နှစ်အောက်မငယ်ရ၊ ၁၈ နှစ် ၆ လ ထက်မကြီးရဟု တိုးမြှင့်ပြင်ဆင် သတ်မှတ်ခဲ့ခြင်း ဖြစ်ကြောင်း သတင်း ရရှိသည်။