ရန်ကုန် ဇူလိုင် ၁၃
မြဝတီအသင်းက ဂျီအက်ဖ်အေအသင်းကို ၄ ဂိုး ၂ ဂိုးဖြင့်အနိုင်ရရှိ
မြန်မာနိုင်ငံဘောလုံးအဖွဲ့ချုပ် မြန်မာ နေရှင်နယ်လိဂ်ကော်မတီက ကြီးမှူးကျင်းပ သော ၂၀၂၂ မြန်မာနေရှင်နယ်လိဂ် အမှတ် ပေးဘောလုံးပြိုင်ပွဲ ပွဲစဉ်(၃)ကို ယနေ့ညနေ၃ နာရီတွင် ရန်ကုန်မြို့သုဝဏ္ဏကွင်း၌ မြန်မာနေရှင်နယ်လိဂ်ပွဲစဉ်(၃)မှ မြဝတီအက်ဖ်စီ အသင်းနှင့် ဂျီအက်ဖ်အေအက်ဖ်စီအသင်းတို့ ယှဉ်ပြိုင်ကစားရာ မြဝတီအက်ဖ်စီအသင်းက ဂျီအက်ဖ်အေအက်ဖ်စီအသင်းကို ၄ ဂိုး၂ ဂိုး ဖြင့်အနိုင်ရရှိသည်။
ပထမပိုင်းပွဲကစားချိန်အစတွင် နှစ်ဖက် အသင်းများသည် ဦးဆောင်ဂိုးရရှိရန်အတွက် ကြိုးစားယှဉ်ပြိုင်ကစားကြသော်လည်း ပွဲကစား ချိန် ၅ မိနစ်တွင် မြဝတီ အက်ဖ်စီအသင်းမှ သက်ဝေမိုးက ဦးဆောင် ဂိုးကို စတင်သွင်းယူပေးခဲ့ပြီး ပွဲကစားချိန် ၃၁ မိနစ်တွင် မြဝတီ အက်ဖ်စီအသင်းက ဒုတိယဂိုးကို ကောင်းစည်သူကလည်းကောင်း၊ ပထမပိုင်းပွဲ ကစားချိန်ပြီးဆုံးခါနီးတွင် ဂျီအက်ဖ်အေအက်ဖ်စီ အသင်းဂိုးသမားက ဂိုးဧရိယာအတွင်းစည်းတွင်မြဝတီ အက်ဖ်စီအသင်းမှ သက်ဝေဖြိုးကိုဆွဲထားသည့်အတွက် ပယ်နယ်တီ အပေးခံ ရကာ မြဝတီအက်ဖ်စီအသင်းမှ ဂိုးသမားထွန်းနန္ဒာ ဦးကလည်းကောင်း သွင်းယူပေးနိုင်ခဲ့သည့်အတွက် ပထမပိုင်းပြီးချိန်တွင် မြဝတီ အက်ဖ်စီအသင်းက ဂျီအက်ဖ်အေအက်ဖ်စီအသင်းကို ၃ ဂိုး ဂိုးမရှိဖြင့် ဦးဆောင်ခဲ့သည်။
ဒုတိယပိုင်းတွင် ဂျီအက်ဖ်အေအက်ဖ်စီ အသင်းက ပွဲကစားချိန် မိနစ် ၅၀ တွင် Yaw Kusi ကလည်းကောင်း၊ ပွဲကစားချိန် ၇၈ မိနစ်တွင် သန့်တိုးအောင်ကလည်းကောင်း အသီးသီးခြေပဂိုးများ သွင်းယူပေးနိုင်ခဲ့သော်လည်း မြဝတီအက်ဖ်စီအသင်းက ပွဲကစား ချိန် ၈၉ မိနစ်တွင် ရဲမိုးရန် သွင်းယူခဲ့သည့် ဂိုးကြောင့် ဒုတိယပိုင်းပွဲပြီးဆုံးချိန် မြဝတီ အက်ဖ်စီအသင်းက ဂျီအက်ဖ်အေအက်ဖ်စီ အသင်းကို ၄ ဂိုး ၂ဂိုးဖြင့် အနိုင်ရရှိသည်။ ဇူလိုင် ၁၄ ရက်(ယနေ့)တွင် ရခိုင်ယူနိုက် တက်အသင်းနှင့် ရန်ကုန်ယူနိုက်တက် အသင်းတို့ ဆက်လက် ယှဉ်ပြိုင်ကစားမည် ဖြစ်ကြောင်း သိရသည်။
ကျော်လွင်