မြဝတီ FC အသင်းက ဟံသာဝတီယူနိုက်တက်အသင်းကို ၁ ဂိုး ဂိုးမရှိဖြင့် အနိုင်ရ
နေပြည်တော် သြဂုတ် ၄
မြန်မာနိုင်ငံဘောလုံး အဖွဲ့ချုပ် မြန်မာနေရှင်နယ်လိဂ် ကော်မတီက ကြီးမှူးကျင်းပသော ၂၀၂၂ မြန်မာနေရှင်နယ်လိဂ် အမှတ်ပေး ဘောလုံးပြိုင်ပွဲ ပွဲစဉ် (၆)ကို ယနေ့ညနေ၃ နာရီတွင် သုဝဏ္ဏကွင်း၌ မြဝတီ FC အသင်းနှင့် ဟံသာဝတီ ယူနိုက်တက်အသင်းတို့ ယှဉ်ပြိုင်ကစားရာ မြဝတီ FC အသင်းက ဟံသာဝတီယူနိုက်တက် အသင်းကို ၁ ဂိုး ဂိုးမရှိဖြင့် အနိုင်ရရှိသည်။
ပြိုင်ပွဲပထမပိုင်းတွင် မြဝတီ FC အသင်းက ဘောလုံးပိုင်ဆိုင်မှု အသာစီးဖြင့် ကစားခဲ့သော်လည်း ဂိုးရရှိအောင် စွမ်းဆောင်နိုင်ခြင်း မရှိသည့်အတွက် ပထမပိုင်းပြီးဆုံးချိန်အထိ မြဝတီ FC အသင်းနှင့် ဟံသာဝတီ ယူနိုက်တက် အသင်းတို့မှာ ဂိုးမရှိ သရေရလဒ်ဖြင့် ပြီးဆုံးခဲ့သည်။
ဒုတိယပိုင်း ပွဲကစားချိန် ၆၈ မိနစ်တွင် မြဝတီ FC အသင်းမှ နိုင်ဇင်ထက်၏ တစ်လုံးတည်းသော သွင်းဂိုးဖြင့် ဟံသာဝတီယူနိုက်တက် အသင်းကို အနိုင်ရရှိခဲ့သည်။
သြဂုတ် ၆ ရက်တွင် ၂၀၂၂ မြန်မာနေရှင်နယ်လိဂ် ပွဲစဉ် (၇)မှ ရှမ်းယူနိုက်တက် အသင်းနှင့် ရန်ကုန်ယူနိုက်တက် အသင်းတို့သည် ညနေ ၃ နာရီတွင် သုဝဏ္ဏ အားကစားကွင်း၌ ယှဉ်ပြိုင်ကစားသွားမည် ဖြစ်ကြောင်း သိရသည်။