ချယ်လ်ဆီးအသင်းက ဆဲလ်ဘတ်အသင်းမှ လူငယ်တိုက်စစ် ကစားသမား ဆစ်ခ်ကိုခေါ်ယူရန် မန်ယူအသင်းနှင့် အပြိုင် ကြိုးပမ်းလျက်ရှိ

ချယ်လ်ဆီးအသင်းက ဆဲလ်ဘတ်အသင်းမှ လူငယ်တိုက်စစ် ကစားသမား ဆစ်ခ်ကိုခေါ်ယူရန် မန်ယူအသင်းနှင့် အပြိုင် ကြိုးပမ်းလျက်ရှိ

    ချယ်လ်ဆီးအသင်းက လက်ရှိကစားသမား အပြောင်း အရွှေ့ကာလ မပြီးဆုံးမီ ကာလအတွင်း   ဆဲလ်ဘတ်အသင်းမှ လူငယ်တိုက်စစ် ကစားသမား ဆစ်ခ်ကိုခေါ်ယူရန် မန်ယူအသင်းနှင့်အပြိုင် ကြိုးပမ်းလျက် ရှိကြောင်း သိရသည်။

ချယ်လ်ဆီးအသင်းသည်   လက်ရှိကစားသမား အပြောင်းအရွှေ့ ကာလအတွင်း အသင်း တိုက်စစ်ပိုင်းအတွက် မန်စီးတီးအသင်းမှ စတာလင်းကို ခေါ်ယူခဲ့သော်လည်း    နောက်ထပ်တိုက်စစ် အပြောင်းအလဲ ပြုလုပ်ရန် ပြင်ဆင်နေပြီး အသင်းမှ ထွက်ခွာဖွယ်ရှိနေသည့် တီမိုဝါနာ၏နေရာ၌ အစားထိုးရန် ပြင်ဆင်လျက် ရှိသည်။

မန်ယူအသင်းကလည်း အသင်းတိုက်စစ်ပိုင်း အတွက် လီဗာပူးအသင်း၊ ဆဲလ်ဘတ်အသင်းတို့နှင့် ကစားခဲ့သော ပြီးခဲ့သည့်ရာသီကြို ခြေစမ်းပွဲစဉ် မတိုင်မီ ကတည်းက ဆစ်ခ်ကို ကမ်းလှမ်းမှုပြုလုပ်ရန် ပြင်ဆင်နေသော်လည်း   လက်ရှိအချိန်ထိ   အဆင်ပြေမှုမရှိသေးဘဲ ချယ်လ်ဆီးအသင်းကလည်း အပြိုင်ကမ်းလှမ်းရန် ပြင်ဆင်နေခြင်းဖြစ်သည်။

ချယ်လ်ဆီးအသင်းသည်    လက်ရှိကစားသမား အပြောင်းအရွှေ့ကာလတွင် စတာလင်းနှင့် ကူလီဘာလေတို့ကို ခေါ်ယူထားကာ  လက်ရှိတွင်လည်း ဘရိုက်တန်အသင်းမှ ကူကူရယ်လာကို ခေါ်ယူရန် သဘောတူညီမှု ရရှိခဲ့ပြီးနောက် ဆစ်ခ်ကိုခေါ်ယူရန် ပြင်ဆင်နေခြင်းဖြစ်ကြောင်း သိရသည်။

Ref;Football London