Burmese Golf Open Junior and Professional Golf Tournament ပြိုင်ပွဲကျင်းပမည်

Burmese Golf Open Junior and Professional Golf Tournament ပြိုင်ပွဲကျင်းပမည်

ရန်ကုန်  သြဂုတ် ၅

မြန်မာနိုင်ငံ ဂေါက်သီးအဖွဲ့ချုပ်က ကြီးမှူး၍ Burmese Golf (BG) က အဓိက ကူညီပံ့ပိုးသော Burmese Golf  Open Junior and Professional Golf Tournament ပြိုင်ပွဲကို  သြဂုတ် ၃၀ ရက်မှ ၃၁ ရက်အထိ ရန်ကုန်မြို့ရှိ ရန်ကုန်ဂေါက်ကွင်း (တညင်းကုန်း)၌  ကျင်းပသွားမည်ဖြစ်သည်။

ပြိုင်ပွဲတွင် Professional အဆင့်နှင့် Junior အဆင့်ပြိုင်ပွဲတို့ ထည့်သွင်း ကျင်းပမည်ဖြစ်ပြီး Junior အဆင့်တွင် အသက် ၁၂နှစ်အောက် သက်တမ်း၊ ၁၄ နှစ်အောက် သက်တမ်း၊ ၁၈ နှစ်အောက်သက်တမ်းနှင့် အမျိုးသမီး  ၁၈ နှစ်အောက် သက်တမ်းပြိုင်ပွဲများ ပါဝင်မည်ဖြစ်သည်။ အဆိုပါ ပြိုင်ပွဲကို  စိန့်အင်ဒရူးဂေါက်သီး စည်းမျဉ်းများနှင့် ဒေသန္တရ စည်းမျဉ်းများအတိုင်း ကျင်းပမည်ဖြစ်သည်။

ယင်းပြိုင်ပွဲတွင် ဝင်ရောက်ယှဉ်ပြိုင်လိုသည့် မြန်မာနိုင်ငံတစ်ဝန်းမှ  Professional အဆင့်နှင့်   Junior  ဂေါက်သီးရိုက် အားကစားသမားများသည်  သြဂုတ် ၂၈ ရက် မွန်းလွဲ ၂ နာရီ  နောက်ဆုံးထား၍ ဦးထွန်းကျော် ဖုန်း-၀၉-၅၁၉၃၄၂၃ သို့ အမည်စာရင်းပေးသွင်းနိုင်ပြီး ပြိုင်ပွဲဝင် ကြေးပေးသွင်းရန် မလိုကြောင်း သိရသည်။