နေပြည်တော်၊ အောက်တိုဘာ - ၁၄
တပ်မတော်မှ ဆောင်ရွက်လျက်ရှိသည့် COVID-19 ရောဂါကာကွယ်၊ ထိန်းချုပ်၊ ကုသရေးလုပ်ငန်းများတွင် လိုအပ်သည်များ အသုံးပြုနိုင်ရန်အတွက် အလှူငွေများကို ယနေ့နေ့လယ်ပိုင်းတွင် အလယ်ပိုင်းတိုင်းစစ်ဌာနချုပ်သို့ အလှူရှင်များက လာရောက် ပေးအပ်လှူဒါန်း သည်။
ဦးစွာ အလှူရှင်များက လှူဒါန်းရခြင်းနှင့် ပတ်သက်၍ ရှင်းလင်းပြောကြားသည်။ ထို့နောက် အလှူရှင်များဖြစ်သည့် ဦးပြည်အောင် နှင့်ဇနီး ဒေါ်နန္ဒာအေး မိသားစုမှ ငွေကျပ် သိန်း ၅၀ ၊ ဗိုလ်ချုပ်ကြီး ခင်အောင်မြင့်(အငြိမ်းစား) နှင့်ဇနီး ဒေါ်အေးအေးသန်း မိသားစုမှ ငွေကျပ်သိန်း ၃၀ ၊ မန္တလေးတိုင်းဒေသကြီး စစ်မှုထမ်းဟောင်းအဖွဲ့ (စည်ပင်အတွင်း)မှ ငွေကျပ် ၁၅ သိန်းနှင့် Junior K ကုမ္ပဏီမှ ငွေကျပ် ၁၁ သိန်းတို့ကို ပေးအပ်လှူဒါန်းရာ တိုင်းမှူး ဗိုလ်မှူးချုပ် ကိုကိုဦးက လက်ခံရယူ၍ ဂုဏ်ပြုမှတ်တမ်းလွှာများ ပေးအပ်ပြီး ကျေးဇူးတင်စကား ပြန်လည်ပြောကြားခဲ့ကြောင်း သတင်းရရှိသည်။