နေပြည်တော် အောက်တိုဘာ ၁၉
မန္တလေးတိုင်းဒေသကြီး၊ မိတ္ထီလာမြို့နယ်၊ တလင်းကုန်းကျေးရွာနေ ဦးသန်းဇော်သည် အောက်တိုဘာ ၁၈ ရက် နံနက် ၁၁ နာရီခွဲခန့်တွင် တလင်းကုန်းကျေးရွာအနောက်ဘက် ဒေါ်ရှမ်းမအိမ်ဝင်းအနီးရှိ သရက်ပင်အောက်၌ မှိုတူးနေစဉ် အလျား ၁၂ လက်မ၊ အနံ ၃ လက်မ၊ လုံးပတ် ၁၂ လက်မခန့်ရှိ ဗုံးသီး ဟောင်းတစ်လုံး တွေ့ရှိကြောင်း သိရှိရသဖြင့် လုံခြုံရေးတပ်ဖွဲ့ဝင်များက သွားရောက် စစ်ဆေးသိမ်းဆည်းခဲ့သည်။
အဆိုပါ ဗုံးသီးဟောင်းအား အများပြည်သူများ အန္တရာယ်မဖြစ်စေရေးအတွက် လုပ်ထုံးလုပ်နည်းနှင့်အညီ ဖျက်ဆီးသွားမည် ဖြစ်ကြောင်း သတင်းရရှိသည်။