နေပြည်တော် အောက်တိုဘာ ၁၉
ရှမ်းပြည်နယ်(မြောက်ပိုင်း)၊ နောင်ချို မြို့နယ်၊ နောင်ချိုအိုရီယမ်တယ်တိုးဂိတ် အနီး၌ လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့က မော်တော်ယာဉ်ဖြတ်သန်းမှုများအား စစ်ဆေးစဉ် အောက်တိုဘာ ၁၈ ရက် ည ၁၁ နာရီ ၄၅ မိနစ်ခန့်တွင် ကျောက်မဲမြို့ဘက်မှ နောင်ချိုမြို့ဘက်သို့ ကိုမင်း (ဘ)ဦးငှက်ရိုးနှင့် ဖိုးစု (ဘ) ဦးသန်းမြင့်တို့ မောင်းနှင်လာသော လိုင်စင်မဲ့မော်တော် ဆိုင်ကယ်နှစ်စီးအား ရပ်တန့်စစ်ဆေးရာ ကိုမင်းမောင်းနှင်လာသော မော်တော်ဆိုင်ကယ် တူးဘောက်အတွင်းမှ ၈၈ စာတန်းပါစိတ်ကြွရူးသွပ်ဆေးပြား ၂၁၈၀၀ ပြား(ခန့်မှန်းတန်ဖိုးငွေကျပ်သိန်း ၂၁၀ ကျော်)နှင့်အတူ ဖမ်းဆီးရမိခဲ့သည်။
အဆိုပါ မော်တော်ဆိုင်ကယ်များ၊ မူးယစ်ဆေးဝါးများနှင့်အတူ ဖမ်းဆီးရမိသူများအား နောင်ချိုမြို့နယ်ရဲစခန်းသို့ စနစ်တကျလွှဲပြောင်း အပ်နှံခဲ့ကြောင်း သတင်းရရှိသည်။