ရခိုင်ပြည်နယ်မြောက်ပိုင်းရှိ မြို့များသို့ ဓာတ်အားပို့လွှတ်ဖြန့်ဖြူးလျက်ရှိသော မဟာဓာတ်အားလိုင်း ဖောက်ခွဲဖျက်ဆီးခံရမှု အခြေအနေအား သတင်းထုတ်ပြန်ခြင်း
၂၀၂၂ ခုနှစ်၊ နိုဝင်ဘာလ ၁၇ ရက်
ရခိုင်ပြည်နယ်မြောက်ပိုင်းရှိ မြို့ (၁၃) မြို့သို့ လျှပ်စစ်ဓာတ်အား (၆၀)မဂ္ဂါဝပ်ခန့် ပို့လွှတ်ဖြန့်ဖြူး ပေးလျက်ရှိသော ၂၃၀ ကေဗွီ မင်းဘူး (မန်း)-အမ်း မဟာဓာတ်အားလိုင်း၏တာဝါတိုင်(၁)တိုင်ကို NUG လက်ဝေခံ PDF အကြမ်းဖက်သောင်းကျန်းသူများမှ ဖောက်ခွဲဖျက်ဆီးခဲ့သဖြင့် လျှပ်စစ်စွမ်းအား ဝန်ကြီးဌာနမှ ဝန်ထမ်းများသည် လျှပ်စစ်မီးသုံးစွဲသူပြည်သူများသို့ လျှပ်စစ်ဓာတ်အားစဉ်ဆက်မပြတ် ဆက်လက်ဖြန့်ဖြူးနိုင်ရေးအတွက် အမြန်ဆုံးပြင်ဆင် ဆောင်ရွက်လျက်ရှိပါကြောင်း သတင်းထုတ်ပြန်အပ်ပါသည်။
လျှပ်စစ်စွမ်းအားဝန်ကြီးဌာန