မုံရွာမြို့၊ စက်မှုဇုန်စစ်ဆေးရေးဂိတ်သို့ PDF အမည်ခံအကြမ်းဖက်သမားများက လက်နက် ငယ်များဖြင့် လာရောက်ပစ်ခတ်တိုက်ခိုက်၊ လမ်းသွားလမ်းလာ ဒေသခံပြည်သူ ၃ ဦး ထိခိုက် ဒဏ်ရာရရှိ
နေပြည်တော်၊ ဒီဇင်ဘာ - ၅
စစ်ကိုင်းတိုင်းဒေသကြီး၊ မုံရွာမြို့၊ စက်မှုဇုန် စစ်ဆေးရေးဂိတ်၌ လုံခြုံရေး ဆောင်ရွက် လျက်ရှိသည့် တပ်ဖွဲ့ဝင်များအား PDF အမည်ခံအကြမ်းဖက်သမားများက လက်နက်ငယ် များဖြင့် လာရောက်နှောင့်ယှက်ပစ်ခတ် တိုက်ခိုက်ခဲ့သဖြင့် စစ်ဆေးရေးဂိတ်အနီး သွားလာလျက်ရှိသည့် ဒေသခံပြည်သူ ၃ ဦးထိခိုက် ဒဏ်ရာရရှိခဲ့ကြောင်း သိရှိရသည်။
ဖြစ်စဉ်မှာ အဆိုပါစက်မှုဇုန်လုံခြုံရေးအတွက် ဆောင်ရွက်လျက်ရှိသည့် တပ်ဖွဲ့ဝင် များအား ယနေ့နေ့လယ် ၁၁ နာရီ ၂၀ မိနစ်ခန့်တွင် PDF အမည်ခံအကြမ်းဖက်သမားများက လက်နက်ငယ် များဖြင့် လာရောက်နှောင့်ယှက်ပစ်ခတ် တိုက်ခိုက်ခဲ့သောကြောင့် ပြန်လည် ပစ်ခတ်တိုက်ခိုက်ခဲ့ရာ အကြမ်းဖက်သမားများသည် အနောက်တောင်ဘက်သို့ ဆုတ်ခွာ ထွက်ပြေးသွားခဲ့သည်။
ဖြစ်စဉ်တွင် PDF အမည်ခံအကြမ်းဖက်သမား ၂ ဦး၏ အလောင်း ၂ လောင်းအား သိမ်းဆည်းရမိခဲ့ပြီး အကြမ်းဖက်သမားများ၏ လာရောက်ပစ်ခတ်တိုက်ခိုက်မှုကြောင့် စစ်ဆေးရေးဂိတ်အနီး သွားလာလျက်ရှိသည့် လမ်းသွားလမ်းလာ ဒေသခံပြည်သူ ၃ ဦးတွင် လက်နက်ငယ်ထိမှန် ဒဏ်ရာများ ရရှိခဲ့သောကြောင့် မုံရွာမြို့၊ ပြည်သူ့ဆေးရုံသို့ ပို့ဆောင် ဆေးကုသမှုခံယူစေလျက်ရှိကြောင်း သတင်းရရှိသည်။