ကျိုင်းတုံမြို့ရှိ အမှတ်(၂)အခြေခံပညာ အထက်တန်းကျောင်း၌ ပြည်နယ်အဆင့် အင်္ဂလိပ်စာနှင့် သင်္ချာစွမ်းရည်ပြိုင်ပွဲ ကျင်းပပြုလုပ်
နေပြည်တော်၊ ဒီဇင်ဘာ - ၁၀
ပြည်နယ်အဆင့် အင်္ဂလိပ်စာနှင့် သင်္ချာစွမ်းရည်ပြိုင်ပွဲကို ယနေ့နံနက်ပိုင်း တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အမှတ်(၂)အခြေခံပညာအထက်တန်း ကျောင်း၌ ပြုလုပ်ရာ တြိဂံဒေသတိုင်းစစ်ဌာနချုပ် တိုင်းမှူး ဗိုလ်ချုပ် နီလင်းအောင် နှင့် တာဝန်ရှိသူများက သွားရောက်ကြည့်ရှုအားပေးသည်။
အဆိုပါပြိုင်ပွဲတွင် ရှမ်းပြည်နယ်(အရှေ့ပိုင်း)၊ မြို့နယ် ၁၀ မြို့နယ်ရှိ ကျောင်းများ မှ GRADE 5 မှ GRADE 9 အထိ အင်္ဂလိပ်စာထူးချွန်သူ ကျောင်းသား၊ ကျောင်းသူ ၉၃ ဦး၊ သင်္ချာထူးချွန်သူ ကျောင်သား၊ ကျောင်းသူ ၉၂ ဦး၊ စုစုပေါင်း ၁၈၅ ဦးတို့ကို အင်္ဂလိပ်စာ၊ သင်္ချာရေးဖြေနှင့် အင်္ဂလိပ်စာ ကျပန်းစကားပြောပြိုင်ပွဲဟူ၍ ခွဲခြားကာ ဒီဇင်ဘာ ၁၁ ရက်နေ့ထိ ကျင်းပပြုလုပ်သွားမည်ဖြစ်ကြောင်း သတင်းရရှိသည်။