စစ်မှုထမ်းဟောင်း အဖွဲ့ဝင်များအား ကြက်ဥများပေးအပ်
မန္တလေးတိုင်းဒေသကြီး မိတ္ထီလာမြို့နယ်ရှိ စစ်မှုထမ်းဟောင်း အဖွဲ့ဝင်များအား ငွေကျပ် ၄၃ သိန်းကျော် တန်ဖိုးရှိ ကြက်ဥများပေးအပ်ပွဲကို ဒီဇင်ဘာ ၁၂ ရက် နံနက်ပိုင်းတွင် မြို့နယ်စစ်မှုထမ်းဟောင်းရုံး အစည်းအဝေးခန်းမ၌ ကျင်းပသည်။
အခမ်းအနားတွင် မြို့နယ်စစ်မှုထမ်းဟောင်း ဥက္ကဋ္ဌ ဗိုလ်မှူးသန်းနိုင်(ငြိမ်း)က စစ်မှုထမ်းဟောင်း အဖွဲ့များအား စားဝတ်နေရေးအတွက် တစ်ဖက်တစ်လမ်းမှ အထောက်အကူဖြစ်စေရန် မြို့နယ်စစ်မှုထမ်းဟောင်းရုံးမှ ငွေကျပ် ၄၃၂၁၅၀၀ တန်ဖိုးရှိ ကြက်ဥများအား စစ်မှုထမ်းဟောင်းအဖွဲ့ဝင်များအား ပေးအပ်ခြင်းဖြစ်ကြောင်း ရှင်းလင်းပြောကြားသည်။
ထို့နောက် မြို့နယ်စစ်မှုထမ်းဟောင်း ဥက္ကဋ္ဌ ဗိုလ်မှူးသန်းနိုင်(ငြိမ်း)နှင့် ဒုတိယ ဥက္ကဋ္ဌ ဗိုလ်မှူးနန္ဒကျော်သူ(ငြိမ်း) တို့က စစ်မှုထမ်းဟောင်း အဖွဲ့ဝင်များအား ကြက်ဥများ ပေးအပ်ကြောင်း သိရသည်။