ကသာ၊ အားကစား
အမျိုးသား(အလွတ်တန်း) ဖူဆယ်ဘောလုံးပြိုင်ပွဲနှင့် ဆုပေးပွဲကျင်းပ
စစ်ကိုင်းတိုင်းဒေသကြီး ကသာခရိုင်ကသာမြို့ ဆည်းဆာကွင်း၌ ဒီဇင်ဘာ ၂၅ ရက်တွင် ခရိုင်အားကစားနှင့် ကာယပညာ ကော်မတီကကြီးမှူး၍ အမျိုးသား(အလွတ်တန်း) ဖူဆယ်အားကစားပြိုင်ပွဲနှင့် ဆုပေးပွဲကျင်းပကြောင်း သိရသည်။
ရှေးဦးစွာ ခရိုင်အားကစားနှင့် ကာယပညာဦးစီးဌာနမှ လက်ထောက်ညွှန်ကြားရေးမှူး ဒေါ်ခင်လပြည့်ဝန်းက အမျိုးသား (အလွတ်တန်း) ဖူဆယ်ဘောလုံးပြိုင်ပွဲတွင် ပါဝင်ယှဉ်ပြိုင်ကြမည့် ပြိုင်ပွဲဝင်အားကစားသမားများအနေဖြင့် အားကစား စိတ်ဓာတ် ဖြင့် ကောင်းမွန်စွာ ယှဉ်ပြိုင်ကြရန် မှာကြားသည်။
ထို့နောက် ဖူဆယ်ဘောလုံးပြိုင်ပွဲကို မြို့ပေါ်ရပ်ကွက်များမှ အားကစားအသင်း (၈)သင်းတို့က အုပ်စုပတ်လည် ယှဉ်ပြိုင်ကြပြီး ဗိုလ်လုပွဲတွင် Purified အသင်းနှင့် ရပ်ကွက် (၈) အသင်းတို့ ယှဉ်ပြိုင်ကြရာ Purified အသင်းက ရပ်ကွက်(၈)အသင်းကို ၃ ဂိုး- ၁ ဂိုးဖြင့် အနိုင်ရရှိသည်။
ယင်းနောက်ဆုပေးပွဲ ကျင်းပရာဆုရရှိသော အားကစားသမားများကို ခရိုင်အားကစားနှင့် ကာယပညာဦးစီးဌာန လက်ထောက် ညွှန်ကြားရေးမှူးနှင့် တာဝန်ရှိသူများက ဆုများ အသီးသီးပေးအပ်ကြောင်း သိရသည်။
ကျော်စွာ(ကသာ)