ပြီးခဲ့သည့်ပရီးမီးယားလိဂ် ဘောလုံးရာသီက သွင်းဂိုးအများဆုံးဆု ရရှိခဲ့သော ဆာလက်ချ်နှင့် ဆွန်ယောင်မင်တို့၏ သွင်းဂိုးအရေအတွက်ကို ပွဲစဉ် ၂၀ အပြီးတွင် တိုက်စစ်မှူး ဟာလန်းကျော်ဖြတ်

ပြီးခဲ့သည့်ပရီးမီးယားလိဂ် ဘောလုံးရာသီက သွင်းဂိုးအများဆုံးဆု ရရှိခဲ့သော ဆာလက်ချ်နှင့် ဆွန်ယောင်မင်တို့၏ သွင်းဂိုးအရေအတွက်ကို ပွဲစဉ် ၂၀ အပြီးတွင် တိုက်စစ်မှူး ဟာလန်းကျော်ဖြတ်

မန်စီးတီးအသင်းတိုက်စစ်မှူး ဟာလန်းသည် ပြီးခဲ့သည့် ပရီးမီးယားလိဂ်ဘောလုံးရာသီက သွင်းဂိုးအများဆုံး ကစားသမားဆုဖြစ်သော ရွှေဖိနပ်ဆုကို ရယူနိုင်ခဲ့သည့် လီဗာပူးအသင်းမှ ဆာလက်ချ်နှင့် စပါးအသင်းမှ ဆွန်ယောင်မင်တို့၏သွင်းဂိုးအရေအတွက်ကို ပွဲစဉ် ၂၀ အပြီးတွင် ကျော်ဖြတ်နိုင်ခဲ့ကြောင်း သိရသည်။

ပြီးခဲ့သည့်ဘောလုံးရာသီက သွင်းဂိုးအများဆုံးဆုဖြစ်သည့် ရွှေဖိနပ်ဆုကို ဆာလက်ချ်နှင့်ဆွန်ယောင် မင်တို့က သွင်းဂိုး ၂၃ ဂိုးစီဖြင့် ဆွတ်ခူးနိုင်ခဲ့ခြင်းဖြစ်ပြီး ယခုဘောလုံးရာသီ ပွဲစဉ် ၂၀ အပြီးတွင် ဟာလန်းက သွင်းဂိုး ၂၅ ဂိုးဖြင့် ကျော်ဖြတ်နိုင်ခဲ့ခြင်းဖြစ်သည်။

ယခုဘောလုံးရာသီတွင် ဒေါ့မွန်အသင်းမှ မန်စီးတီးအသင်းသို့ ပြောင်းရွှေ့ကစားခဲ့သည့် ဟာလန်းသည် ဝုဗ်အသင်းနှင့် ကစားသောပွဲစဉ်တွင် ဟက်ထရစ်ဂိုးသွင်းယူနိုင်ပြီးနောက်  သွင်းဂိုး  ၂၅  ဂိုးအထိရှိလာသည့် အတွက်  ပရီးမီးယားလိဂ်ပြိုင်ပွဲ  နောက်ဆုံးဘောလုံး ရာသီလေးရာသီတွင် သွင်းဂိုးအများဆုံးကစားသမား ဆုရယူနိုင်ခဲ့ကြသည့် ကစားသမားများ၏သွင်းဂိုးထက် ပိုမိုများပြားလာခြင်းဖြစ်သည်။

ထို့ပြင် ဟာလန်းသည် ပရီးမီးယားလိဂ်ပြိုင်ပွဲသမိုင်း တစ်လျှောက်  တစ်ရာသီအတွင်း  ဟက်ထရစ်သွင်းဂိုး အများဆုံးအဖြစ် သုံးကြိမ်ဖြင့်ရပ်တည်ခဲ့သည့် မန်ယူ အသင်းကစားသမားဟောင်း  စီရော်နယ်ဒို၏  ဟက်ထရစ် အရေအတွက်ကို တစ်ကြိမ်အသာဖြင့် ကျော်ဖြတ်နိုင်ခဲ့ကြောင်း သိရသည်။ 

Ref;ESPN