နေပြည်တော် သြဂုတ် ၉
၂ဝ၂ဝ ပြည့်နှစ် တက္ကသိုလ်ဝင်စာမေးပွဲအောင်စာရင်းများကို ယနေ့နံနက်ပိုင်းတွင် မြန်မာနိုင်ငံစာစစ်ဦးစီးဌာနက ထုတ်ပြန်ကြေညာခဲ့ရာ မြန်မာတစ်နိုင်ငံလုံးတွင် တက္ကသိုလ်ဝင် စာမေးပွဲဖြေဆိုသူ ၉၁ဝ၂၂၉ ဦးအနက် အောင်မြင်သူ ၂၉၁၇၉၈ ဦးရှိပြီး အောင်ချက်ရာခိုင်နှုန်း ၃၂ ဒသမ ဝ၆ ရာခိုင်နှုန်းဖြစ်ကာ မြန်မာ တစ်နိုင်ငံလုံးတွင် မန္တလေးတိုင်းဒေသကြီးမှ အောင်ချက်အကောင်းဆုံးဖြစ်ကြောင်း သိရသည်။
၂ဝ၁၉ ခုနှစ် အောင်ချက်နှင့် နှိုင်းယှဉ်ပါက အောင်ချက်ရာခိုင်နှုန်း သုည ဒသမ ၆၂ ရာခိုင်နှုန်းတိုးလာကြောင်း သိရသည်။